15/12/2017

Dà uair a thìde de shàr cheòl is còmhradh còmhla ri Iain Mac 'ille Mhìcheil, a' craoladh beò à stiùdio a' BhBC ann an Glaschu. An t-seachdain sa, bidh Iain a' cur fàilt' air aoigh gu math ceòlmhor, spòrsail. 'S ann à Ceann a-muigh Chuil ann an Leòdhas a tha Anne-Louise Stiùbhart. A thaobh a' chiùil, bidh i a' cluich na pìoba ann an Còmhlan Pìoba Leòdhais agus bidh i cuideachd a' cluich 's a' teagasg a' bhogsa. Agus a thaobh an spòrs, tha ùidh mhòr aig Anne-Louise ann am ball-coise agus bidh i a' cluich le Sgioba Bhoireannach nan Eilean Siar. Na dreuchd làitheil, tha ì an sàs ann am measgachadh-fuaim còmhla ris a' chompanaidh riochdachaidh telebhisein OBH! OBH! ann an Steòrnabhagh. Cluinnidh sinn seanchas Anne-Louise, agus ceithir de na roghainnean ciùil pearsanta aice. A bharrachd air a sin, bìth measgachadh math de cheòl is òrain air a thaghadh dhuinn le Iain fhèin, a' toirt a-steach cuid de na guthan 'Country' is fheàrr a th'ann nam measg Neil Young, Willie Nelson, Zac Brown Band, Crystal Gayle agus Charley Pride.