Episode 173

Bha sabaid chruaidh a' leantainn aig Passenchdaele sa Bheilg agus Gàsa ann am Palestine, le Arm Breatainn a' togail air an adhartas a rinn iad san dà àite air an t-seachdain ron a sin aig toiseach na Samhain 1917, mar a tha Gilleasbuig MacDhòmhnaill ag innse dhuinn.

Chaidh sàbhaladh fortanach air seòladair às an Eilean Sgitheanach san t-Samhain 1917. Bha Eàirdsidh Dòmhnallach à Dùn Bheagain air tràlair ann am Portsmouth, tè dhen fheadhainn a bha sguabadh na mara airson mhèinnichean, ach bhiodh iad ga thoirt air falbh uaireannan gu oifis a' phuist sa bhaile on a bha e na phost ron Chogadh. Sin a thachair air an 11mh den t-Samhain 1917, mar a tha a mhac, Ailean Dòmhnallach, ag innse ann na sgeulachd chianail sa phrògram.