27/10/2017

Dà uair a thìde de shàr cheòl is còmhradh còmhla ri Iain Mac 'ille Mhìcheil, a' craoladh beò à stiùdio a' BhBC ann an Glaschu. An t-seachdain-sa, bidh Iain a' cur fàilt' air Catriona NicLeòid à Sgìre Nis ann an Leòdhas. Tha Catrìona air a bhith a' tàmh 's ag obair ann an Glaschu bho chionn 18 bliadhna agus tha ùidh shònraichte aice ann am biadh, gu h-àraid biadh vegan, agus i fhèin air a bhith na cruaidh-ghlasraichear bho bha i na deugaire. Tha i ràdh gu bheil roghainn-bìdh gu math farsaing ri fhaighinn ann an Glaschu a-nis da leithid. Tha Catrìona dèidheil air ceòl de ghach seòrsa agus bidh i gu math tric a' dol gu cuirmean sa bhaile. Cluinnidh sinn seanchas Chatriona, agus ceithir de na roghainnean ciùil pearsanta aice. A bharrachd air a sin, bidh measgachadh math de cheòl is òrain air a thaghadh dhuinn le Iain fhèin, a' toirt a-steach cuid de na guthan 'Country' is fheàrr a th'ann.
Two hours of chat and music with John Carmichael broadcasting LIVE from the BBC studios in Glasgow. John welcomes Catriona MacLeod who currently lives in Glasgow. She is from Ness on Lewis but has lived in the city for over 18 years. She is a committed vegan and is very fond of eating out in Glasgow sampling vegetarian food. During the show Catriona will reveal her 4 favourite pieces of music which will complement John's own playlist which will include Americana, folk, Celtic and country and western. Stand by for some old classics and newly released songs.