Gwaith Childline yng Nghymru

Lisa Vranch o Childline sy'n ymuno gyda John Roberts i drafod cynnydd yn nifer y plant sy'n sôn am ladd eu hunain.

Beth yw Diwali? Mohini Gupta sy'n esbonio sut mae Hindwiaid yn dathlu gŵyl y goleuni.

A oes y fath beth ag eglwys ar y we? Menna Machreth a Ffred Ffransis sy'n ymateb i'r ffaith fod mwy o bobl yn dilyn Eglwys Loegr ar y cyfryngau cymdeithasol erbyn hyn, na sydd bellach yn mynychu gwasanaethau yn fisol.

Mae Menna Machreth hefyd yn sôn am weithdy ar sut i ddenu pobl i'r eglwys neu'r capel dros y Nadolig. Pam defnyddio'r ŵyl fel arf cenhadu?

Ac wrth i wasanaeth Ennyd Gobaith (Pause for Hope) gael ei gynnal yng Nghymru am y tro cyntaf, mae'r trefnydd Janet Evans yn esbonio beth yw'r bwriad.