Feasgar air Diciadain

Bha Robbie Williams a' seinn aig consairt One Love Ariana Grande ann am Manchester aig an deireadh sheachdain 'sa chaidh. Fhad 's a bha e a' seinn an òran Angels thàinig briseadh dhan ghuth aige agus b' fheudar dha faighneachd dhan luchd-èisteachd a chuideachadh. Tha seo a' togail na ceist, ciamar is urrainn dha seinneadairean faireachaidhean brònach a chuir dhan òran, gun iad briseadh sìos?

Tha Andre Agassi air tòiseachadh na choidse dha Novak Djokovich. Bha e fhèin na chluicheadair gu math soirbheachail na latha. Tha seo ri fhaicinn uabhasach tric ann an diofar spòrsan, cluicheadairean a' tighinn air ais dhan spòrs nan coidsichean. Dìreach aig an deireadh sheachdain chunnaic sinn eisimpleir dhan a seo le Zinedine Zidane a' buannachadh cupa an Champions League airson an dàrna bliadhna le Real Madrid. A bheil sàr-chluicheadairean spòrs nan coidsichean nas fheàrr na dìreach daoine le ùidh ann an spòrs?

Saoil dè a dhèanadh Dòmhnall I Dòmhnallach nam bitheadh e os cionn cùisean an t-saoghail. Tha esan an seo a' cur a mhac-meanmna gu dol. bbc.co.uk/feasgar.