Coinneach madainn Diardaoin

Tha comharrachadh ga dhèanamh aig an deireadh seachdain 'sa tighinn gu bheil dà cheud gu leth bliadhna ann bho chaidh Lodge nan Saor Chlachair ann an Steòrnabhagh a stèidheachadh. Tha beachd aig gu leòr air dè a tha agus a bha anns na saor chlachairean. Beachd gur e buidheann dìomhair a bh' annta a bha a' cumail an gnothaichean gu math dùinte agus dìomhair aca fhèin. Beachd cuideachd gun robh cumhachd mhòr aca ann an gnìomhachas agus obraichean sònraichte. Cuideachd beachd gun robh iad a' cur dìon air a chèile ge bidh dè an suidheachadh anns am faigheadh iad iad fhèin agus gur e bhràithreachas a bu chudromaich na càil eile. Chaidh Coinneach gu Lodge Fortrose a bhruidhinn ri triùir de bhuill, Eanraig MacAonghais, Seòras Macleòid agus Dòmhnall Iain Mac a' Ghobhainn.

Cuideachd tha Dòmhnall Meek ag innse mar a thòisich e air sgrìobhadh bàrdachd. bbc.co.uk/coinneach.