Feasgar air Diardaoin

Tha streath dràma air a bhith air an telebhisean bho chionn ghoirid ma dheidhinn tachartasan fìor as an robh na poileas an sàs - Moorside, Little Boy Blue agus Three Girls. Dè an seòrsa buaidh a tha ath innse den sgeulachd ann an cruth dràma a' toirt air an fheadhainn a bha an sàs ann?

Tha Tim Gurner, milleanair Astràilianach, air a ràdh gun rachadh aig gu leòr de dh' òigridh nach urrain taighean a cheannach air sgàth 's cion airgid, sin a dhèanamh nan sguireadh iad de chleachdaidhean cosgail. Bha artaigeil ann am pàipear nàiseanta an t-seachdain 'sa a fhuair freagairt gu math luath bho neach naidheachd òg a' càineadh beachdan Gurner. A bheil òigridh, daoine anns na ficheadan an-diugh, nas miosa dheth na ginealach sam bith eile. A bheil amasan dhaoine air atharrachadh agus a bheil an ginealach as sinne fhathast a' sùileachadh an aon rud bhuaipe leithid taighean, teaghlach, agus obair seasmhach. Tha Fiona Rennie, Shona Nic a' Mhaoilein agus Ruairidh Greumach a' toirt am beachdan.

Chan e a h-uile duine as urrain ealain a cheannach. Sin a shaoileadh gu leòr, ach tha Ruairidh Moireach bhon Lanntair a' mìneachadh nach eil e seachad air sporainn dhaoine idir.