Feasgar air Diardaoin

Tha an seusan turasachd air fàs trang a-nis agus daoine a' coimhead air làraich an eadar-lìon airson na laithean saora aca a chuir air dòigh, làraich far a bheil luchd turais a' fàgail nam beachdan aca fhèin air àiteachan fuirich is eile. Ach saoil dè na làraich air a bheil iad a' coimhead agus a' faighinn fiosrachadh mu na turais aca? Cuideachd ciamar a tha an fheadhainn aig a bheil na taighean-òsta, àiteachan bìdh agus leabaidh is breacaist a' faireachdainn mu na làraich seo?

An t-seachdain sa tha aire ga thoirt chun an tinneas Coeliac 's an carthannas Coeliac UK airson àiteachan-bìdh a bhrosnachadh gus biadh às aonais gluten a chuir air a' chlàr-bìdh. Gheibh sinn facal le daoine air a bheil Coeliac airson innse mun eòlas a th' aca air a bhith a' faighinn lorg air biadh a tha freagarrach.

Tha Michelle NicDhòmhnaill còmhla rinn airson innse mun turas aice a Shìona, Vietnam agus a-nis an Roinn Èorpa. bbc.co.uk/feasgar.