An t-Urr Iain Mac a' Ghobhainn, ministear Eaglais Shaor Leantainneach na Hearadh

Ann an Dèanamaid Adhradh air an t-seachdain seo cluinnidh sibh na sailm is an leughadh a leanas:
Salm 143: 6-7 air fonn Walsall agus 's e Coinneach MacLeòid a tha os cionn na seinn agus Salm 122: 7-9 air fonn New Cambridge agus Aonghas Dòmhnallach os cionn na seinn. Chaidh na sailm a chlàradh ann an Seamanaraidh na h-Eaglaise Saoire ann an Steòrnabhagh.
Salm 23: 5-6 air fonn St David agus 's e Dòmhnall Màrtainn a tha so cionn na seinn le taic bho choitheanal Eaglais Shaor Steòrnabhaigh.

Leughadh: Ròmanaich 8: 1-39
Ceann-teagaisg: Ròmanaich 8:1

Rugadh an t-Urr Iain Mac a' Ghobhainn ann am Pabail Iarach anns an Rubha. Mus deach e a-staigh airson na ministrealachd bha e na bhùidsear. Tha Mgr Mac a' Ghobhainn pòsta le dithis mhac. Chaidh a phòsadh ris a' chiad choitheanal aige ann an 1994 far an robh e stèidhichte aig Eaglais Shaor Phartaig ann an Glaschu. Dh'fhuirich e an sin gu 2003, gus an do ghluais e gu Tasmania far an robh e na mhinistear ann an Eaglais Chlèireach cheann a deas na dùthcha. Thill e air ais dhan dùthaich seo ann an 2015 agus an uiridh fhuair e gairm bho choitheanal Eaglais Shaor Leantainneach na Hearadh. Chaidh Mgr Mac a' Ghobhainn a phòsadh ris a' choitheanal sa Chèitean 2016.