17/03/2017

Dà uair a thìde de shàr cheòl is còmhradh còmhla ri Iain Mac 'ille Mhìcheil, a' craoladh beò à stiùdio a' BhBC ann an Glaschu. An t-seachdain-sa, bidh Iain a' cur fàilt' air Dòmhnall Iain Mac an t-Saoir, a rugadh sa thogadh ann am Baghasdal, Uibhist a Deas. Bha "DJ", mar is fheàrr a dh'aithnaichear e, fad iomadh bliadhna san airm. An sin bha e a' siubhal air feadh an t-saoghail mar shaighdear, eòlaiche slàinte is sàbhailteas - agus mar phìobaire, rud anns am bheil e fhathast gu mòr an sàs. Nuair a dh' fhàg e an dreuchd sin às a dhèidh, bha dùil aige (na fhaclan fhèin) 'gun robh an t-siubhal seachad'. An-uiridh ge-tà, bha e grunn mhìosan ann an Oman san Ear Mheadhanach, far an robh e a' teagasg pìobaireachd do luchd-poilis na dùthcha sin. Tha DJ a-nis air ais an Inbhirnis, agus ag obair na Oifigear Gàidhlig aig Oilthigh na Gàidhealtachd agus nan Eilean. Cluinnidh sinn seanchas DJ, agus ceithir de na roghainnean ciùil pearsanta aige. A bharrachd air a sin, bidh measgachadh math de cheòl is òrain air a thaghadh dhuinn le Iain fhèin, a' toirt a-steach cuid de na guthan 'Country' is fheàrr a th'ann.
Two hours of chat and music as John welcomes Donald John MacIntyre from South Uist as his special guest this week. DJ spent many years in the army where he traveled to various places as a soldier, a sepcialist in health and safety and as a piper. After leaving the army, he thought his travelling days were behind him but last year he spent time in Oman teaching piping to the Police Force. He is now back in Inverness working at the University of the Highlands and Islands. During the show, DJ will reveal his 4 favourite pieces of music. John's own play list will include an exceptional array of music including Americana, folk, Celtic and country and western.