Episode 135

Rugadh an Caiptean Dòmhnall MacRath ann am Ploc Loch Aillse agus aig an àm seo ann a 1917 bha e air long-chogaidh a bha dìreach air ruighinn Alexandria as an Èipheit, far an robhas ag ullachadh airson an ionnsaigh air Palestine. Nuair a ràinig iad, bha h-uile coltas gu robh luchd-brathaidh as an àite oir cha robh long a dh'fhàgadh Alexandria nach robh bàt'-aigeil Gearmailteach a' feitheamh oirre. Chaidh ceud duine armaichte a chur fo chommand Dhòmhnaill is chaidh iarraidh air an luchd-brathaidh a lorg. Bha an sgeulachd aig Calum MacLeòid, a thog an rathad ainmeil ann an Ratharsair, agus cluinnidh sinn i ann a Seachdain sa Chogadh an cuideachd Ghilleasbuig MhicDhòmhnaill.