Tafarn Sinc

Gyda Thafarn Sinc yng nghanol y Preseli yng ngogledd Sir Benfro ar werth, mae Alun Ifans yn ymuno â Gaynor Davies i olrhain ei hanes.

Pam fod rhai offerynnau'n cael eu cysylltu â merched, ac eraill â dynion? Dylan Cernyw sy'n trafod.

Mae Bethan Mair yn canolbwyntio ar sut mae cymeriadau llenyddol yn cael eu portreadu ar y sgrîn, gan fod Mr Darcy - mae'n debyg - yn hen ddyn gyda gwallt gwyn, yn wahanol iawn i Colin Firth.

Ac ar ddegfed pen-blwydd Awr Ddaear WWF, mae Richard Nosworthy o WWF Cymru yn egluro beth yn union ydi'r digwyddiad blynyddol, a sut mae wedi datblygu dros y degawd diwethaf.