Leabharaichean ùra Gàidhlig agus deireadh am bogsa-fòn poblach

An-diugh, bidh dithis ùghdar ann an còmhradh ri Cathy mu na leabharaichean aca a th' air an ùr fhoillseachadh. 'S iad sin Seonag Monk leis an leabhar ficsean, Mil san Tì agus Maureen NicLeòid le A' Toirt Mo Chasan Leam, leabhar a sgrìobh i mu chuairt a chur i air an t-saoghail.

Cuideachd an-diugh, tha BT air dearbhadh gun tèid cuir-às dhen bhocsa-fòn poblach. Thairis air na deich bliadhna mu dheireadh, tha an àireamh de dhaoine a bhios gan cleachdadh air ìsleachadh 90%. Tha iad mur tha air cuir-às dhan dàrna-leth dhiubh agus iad ag ràdh nach eil an fheadhainn a th' air fhàgail air an cleachdadh ach uair no dhà gach bliadhna. Thairis air na bliadhnaichean, chaidh an cleachdadh airson iomadh adhbhar seach fònadh! Cluinnidh sinn beagan mun sin, mun luach a th' unnta a-nise mar shuaicheantas ealain, ach cuin a chleachd sibh fhèin fear mu dheireadh?!

Tha Breatainn fhathast air dheireadh air dùthchanan leithid Romania agus Peru a thaobh seirbheisean fon-làimhe. Nochd aithrisean naidheachd air an t-seachdain seo a bha ag ràdh gu bheil ceàrnaidhean mòra dhen rìoghachd fhathast nam "fàsaichan digiteach". Bidh Dòmhnall Dòmhnallach a' toirt beachd air a sin agus a' mìneachadh dè direach a th' ann an 4G agus 5G.

Sin agus ceòl gu leòr aig www.bbc.co.uk/feasgar.