Episode 122

Air an ochdamh san naoitheamh latha deug dhen t-Samhain 1916 chunnacas na h-ionnsaighean mu dheireadh aig Batail Ancre agus an Somme. Bha sneachd is flin a' ciallachadh gun robh e gu math duilich dha na feachdan Co-chòmhraigeach an t-adhartas a bha iad ag iarraidh a dheànamh. Cluinnidh sinn bho Gilleasbuig MacDhòmhnaill mar a chaidh bailtean Beaumont Hamel agus Beaucourt an gabhail thairis gun teagamh ach nach do chuir iad làmh air Serre neo air an taobh a tuath dhen loidhne Ghearmailteach. Cha robh an t-sìde na chuideachadh oir bha am poll 's an clàbair a' cuideachadh an luchd-dìon, a' ciallachadh nach b'urrainn dha na feachdan Co-chòmhraigeach tancaichean a chleachdadh agus a' deànamh conaltradh fìor dhuilich cuideachd.

Cluinnidh sinn cuideachd mu dhuais a fhuair Dòmhnall Macleòid às an Rubha a Leòdhas airson bàt'-aigeil Gearmailteach a chuir fodha agus aithris anns an Ross-shire Journal a bha a' deànamh mìneachadh air an àireamh shoithichean a bha iomairt bàt'-aigeil nan Gearmailteach air a chur fodha.