05/10/2016

Air Feasgar an-diugh:

Tha deich bliadhna bho thòisich Tèatar Nàiseanta na h-Alba agus mar chomharra air an sin, bruidhnidh sinn ri triùir a tha an sàs ann an gniomhachas dràma - an sgrìobhaiche 's an cleasaiche Dòmhnall Ruadh Mac a' Ghobhainn, an cleasaiche òg, Calum Dòmhnallach agus Eilidh Daniels a bha an sàs san sgeama 'Emerging Artists' aca bho chionn bliadhna no dhà.

Às dèidh dhi ceumanachadh bhon oilthigh, roghnaich Fiona Rennie agus caraid an cothrom a ghabhail siubhal san Roinn Eòrpa. Thòisich iad ann an Amsterdam agus chrìochnaich iad anns A' Bhruiseal. Shiubhal iad air an treàna agus stad iad ann an iomadach baile air an t-slighe. Cluinnidh sinn bho Fiona mun turas fhèin agus na pìosan a b' fheàrr leatha.

Tha Seonag Nic a' Ghobhainn air ais anns a' chidsin. Tha i air an litir 'E' a ruighinn an t-seachdain sa agus reasabaidhean aice dhuinn a' cleachdadh eanach-gàrraidh agus ponairean edamame.

Sin agus ceòl gu leòr a chumas ann an sunnd sibh còmhla ri Cathy NicDhòmhnaill.