Episode 114

Bha an cogadh sna speuran as fhìor fhàs cudromach mar a bha a' chiad chogadh a' dol air adhart, ach air an 23mh dhen t-Sultain dh'fhuiling na Gearmailtich droch bhuile an uair a chaidh a dhà dhe na Zeppelins aca a leagail faisg air Lunnainn.

B' e Zeppelins a bh' air an ùr dhealbh a bh' ann an L32 agus L33 agus bha na Gearmailtich misneachail gum faigheadh iad faisg gu leòr gus cron a dheànamh air prìomh bhaile na Rìoghachd Aonaichte. Ach thog pìolat Breatannach, Frederick Sowrey L32 faisg air Billiericay agus loisg e oirre, ga cur na teine agus ga leagail gu talamh ann am baile Great Burstead. Cluinnidh sinn an tuilleadh bho Ghilleasbuig MacDhòmhnaill.

An Alba bha Comunn Gàidhealach Ghlaschu air fios fhaighinn air ais bhon Chrois Dhearg a bha, am beachd a' Chomuinn, air a dhol air ais air a' ghealladh gus uàrd sònraichte a stèidheachadh ann an Ospadal Woodside a bhiodh a' frithealadh saighdearan le Gàidhlig. Bha an Comann air mìle not a thoirt seachad gus seo a thoirt gu buil, airgead a bha iad a-nis ag iarraidh air ais. Nochd freagairt na Croise Deirge ann am pàipear-naidheachd an Ross-shire Journal an t-seachdain sa o chionn ceud bliadhna.