Turas Sir John Franklin tro Chaolas an Iar Thuath

Nochd an naidheachd an t-seachdain 'sa chaidh gun d' fhuaireadh lorg air an HMS Terror, am bàta air an robh Sir John Franklin 'sa a chriutha air bòrd, 's iad a' feuchainn ri dhol tro Chaolas an Iar Thuath ann an 1848. Tha an Caiptean Calum MacIlleathain ag innse cò a lorg i, càite an tàinig iad tarsainn oirre agus dè a chaidh fhaighinn na broinn. Ach an toiseach cluinnidh sinn còmhradh a chaidh a chlàradh leis a' Chaiptean Calum bho chionn dà bhliadhna nuair a chaidh a' chiad soitheach an HMS Erebus a lorg agus e cuideachd a' mìneachadh cò dìreach a bh' ann Sir James Franklin.

Tha Urras nan Leabhraichean air taic a thoirt do Sgoil Bhàgh a Chaisteil ann am Barraigh, an sgeulaiche ainmeil Mairead Bennett a thoirt dhan an sgoil airson obrachadh còmhla ris na sgoilearan agus an luchd teagasg airson sgilean litreachais, leughadh agus sgrìobhadh a bhrosnachadh. Tha Ceannard na sgoile, Annag NicIlleathain ag innse na buannachdan a bhios an lùib na h-iomairt seo.

Thèid co-labhairt a chumail aig Oilthigh Ghlaschu aig deireadh na seachdain 'sa mu obair an fhear cruinneachaidh dualchas nan Gàidheil, an t-Urramach Seumas MacLagain, a bha a' cruinneachadh ro 1750. Tha Sìm Innes, Dòmhnall Uilleam Stiùbhart agus Aonghas MacCoinnich ag innse mun stòras sgrìobhaidhean a chruinnich e. bbc.co.uk/coinneach.