02/08/2016

Mu tha deugairean fon àrdaich agaibh, dè cho deiseil agus a tha iad airson an gnothach a dhèanamh leotha fhèin? A' fàgail an dachaigh agus a' coimhead as an dèidh fhèin? An-diugh bheir sinn sùil air mar a tha còir againn a bhi gan comhairleachadh a thaobh a bhi a' làimhseachadh airgead a chumas ceart iad anns na bliadhnaichean a tha romhpa.

Air Dihaoine chithear cuirm fosglaidh na Geamannan Oilimpigeach ann am Braisil. Suas chun an sin bheir sinn sùil air spòrsan eadar dhealaichte feuch cò an luchd spòrs Bhreatannach a bu choir dhuinn a bhi a' leantainn. An-diugh tha sinn a' tòiseachadh le lùth-chleasan.

Agus gheibh sinn beachd Gilleasbuig Fearghasdan air leabhar ùr de sgeulachdan goirid le Mark Haddon The Pier Falls. Tha Mark Haddon air a bhith gu math soirbheachail a' sgrìobhadh leabhraichean roimhe seo leithid The Curious Incident of the Dog in the Night Time a choisinn mòran dhuaisean agus a chaidh a dheasachadh na dhealbh chluich air an àrd ùrlar ann an Lunnainn. bbc.co.uk/feasgar.