Steaphanaidh Chaimbeul agus Iain Eòsaph MacNèill

'S e fear-ciùil gu smior a tha ann an Eòghann MacEanraig. 'S ann bho bhith a' cluich ciùil a tha e a' dèanamh a bheò-shlaint. Tha ùidh mhòr aige gu sònraichte ann an ceòl Gàidhealach ach cuideachd ann an ceòl agus innealan-ciùil san fharsaingeachd. Anns an t-sreath phrògraman a tha seo, tha Eòghann a' dol air feadh na dùthcha a' còmhradh ri luchd-ciùil eadar-dhealaichte mu na h-innealan aca. Cò às a thàinig iad? Cò a rinn iad? Dè an seanchas a tha cò-cheangailte riutha? Anns a' chòigeamh prògram, tha Eòghann a' bruidhinn ri Iain Eòseaph MacNèil mu organ na h-eaglaise agus ri Steaphanaidh Chaimbeul mun sacsafòn.