Iaith y Dosbarth?

Er bod canran y siaradwyr Cymraeg ymhlith plant a phobl ifanc ar i fyny faint sy'n siarad yr iaith y tu allan i'r dosbarth - yn anffurfiol?

A be y gellid ei wneud i sicrhau nad iaith ysgol yn unig fydd y Gymraeg yn y dyfodol?

Dyma'r cwestiynau sy'n sail i waith ymchwil newydd gan Dr. Sion Aled Owen. Drwy Brifysgol Bangor mae o wedi cael arian gan y Cyngor Ymchwil Economaidd a Chymdeithasol.

Mae'n trafod ei ganfyddiadau cychwynnol - am y tro cyntaf - ar raglen Manylu yr wythnos hon.

Mae'r rhaglen yn ymweld a dwy ysgol gymraeg yn Wrecsam - Bod Hyfryd a Morgan Llwyd - i gael barn pobl ifanc am eu defnydd o'r Gymraeg ac yn glywed am gynllun i hyrwyddo'r Gymraeg yn ystod amser egwyl disgyblion ieuengaf Ysgol Tregarth ger Bangor.