03/04/2015

Dà uair a thìde de cheòl air leth agus còmhradh inntinneach còmhla ri Iain Mac 'ille Mhìcheil, beò à stiùdio a' BhBC ann an Glaschu. Còmhla ri Iain an t-seachdain-sa bidh Donaidh MacAoidh, à sgìre Nis ann an Eilean Leòdhais. Tha Donaidh a' fuireachd 's ag obair ann an Obar Dheathain, far am bheil e na mhanaidsear gniomhachais agus neach-aithris telebhisein aig companaidh riochdachaidh neo-eisimileach. Tha e air a bhith bliadhnaichean mòra ag obair anns na meadhanan, eadar MG ALBA, STV ann an Glaschu, agus measgachadh de chompanaidhean eile. Tha e air a bhith sàs ann an obair chamara, innleadaireachd, agus diofar seadhan eile a bharrachd air a bhith na phreaseantair bho àm gu àm. Rugadh agus thogadh Donaidh ann an Dail bho Dheas ann a Nis. Nuair a dh'fhàg e an sgoil chaidh e a Chòlaiste a' Chaisteil ann an Steòrnabhagh far an do rinn e ìnnleadaireachd. Bha e greis ag obair ann an gàradh Àrnais mus do dhùin e ann an 1999. Bha measgachadh de dh'obraichean aige an uairsin, mus deach e luib na meadhanan làn ùine. Tha Donaidh dha rìreabh measail air càraichean, agus bìth e cuir seachad tòrr ùine gan càradh. Cluinnidh sinn seanchas Dhonaidh, a bharrachd air ceithir de na roghainnean ciùil pearsanta aige. Mar is àbhaist cuideachd, bìth roghainn math measgaichte de sheinneadairean is còmhlain air an liosta ciùil aig Iain fhèin. Tha iad sin uile air an taghadh eadar Americana, folk, ceòl Ceilteach is Country, le seann òrain agus feadhainn a tha buileach ùr air an clàradh.

Two hours of chat and music with John Carmichael broadcasting LIVE from the BBC studios in Glasgow. John welcomes Donnie MacKay for engaging chat, craic and an exceptional array of music including Americana, folk, Celtic and country and western. Stand by for some old classics and newly released songs.