Episode 2

Tha Eilean Cheap Breatainn aithnichte mar àite far a bheil dualchas làidir Gàidhealach agus anns an t-sreath phrògraman a tha seo gheibh sinn sealladh air beatha làitheil cuid de Ghàidheil an àite. 'S ann às an Eilean Sgitheanach a tha Gilleasbuig Fearghasdan a tha a' lìbhrigeadh 'Naidheachdan bho Cheap Breatainn' ach tha e pòsta aig tè bho Cheap Breatainn. Thairis nam bliadhnaichean tha Gilleasbuig agus a bhean air a bhith a' dol a-null dhan eilean agus fhads a tha iad thall tha Gilleasbuig a' gabhail a' chothrom na Gàidheil a lorg airson còmhradh a dhèanamh riutha mu iomadach cuspair a tha a' toirt tuigse nas fheàrr dha air an sgìre. 'S e biadh agus deoch cuspair an dàrna prògram seo.