An Dotair Coinneach Robasdan - Na deilbh aig an Dotair

Bha an Dotair Robasdan tric ri fhaicinn a' cliogadh air a' chamara aig bainnsean ann an Uibhist agus Èirisgeigh. Am measg dealbhan nam bainnsean a tha anns a' chruinneachadh aige, tha an latha mòr aig Mairead Maynard nuair a phòs i Ailig Mac a' Phì. Tha Mairead ag innse mun a' chàirdeas a sheall an Dotair agus a bhean rithe air an la mòr aice agus i a' faireachdainn "dìreach mar royalty".

Tha ùidh mhòr air a bhith aig Eòghainn MacFhionghuin anns a' chruinneachadh aig an Dotair agus tha e a còrdadh ris gu mòr a bhith a' faicinn na dealbhan a chaidh a thogail de na bàtaichean iasgaich agus iad a' toirt turais a Mhallaig agus briosgaidean gu chuimhne. Cluinnear cuideachd beagan eachdraidh mu chàr annasach a nochd ann an Èirisgeigh anns na trì ficheadan, 's e a' cheist, cò leis a bha i agus ciamar a fhuair iad an car mòr seo chun an eilean, fada ron chabhsair! Agus cò an leabaidh anns an robh a' chaora a' cadal!