Catriona Nicleòid

Air 21 den Ghiblean 1923, sheòl an t-soitheach a Metagama à Steòrnabhagh le trì cheud eileanach air bòrd 's iad a dèanamh air beatha ùr ann an Canada. Nam measg, bha pàrantan Chatriona NicLeòid: rud a thug buaidh mhòr air a beatha fhèin. Anns an dara pàirt de a sgeulachd, tha i ag innse do Mhairianna NicChoinnich mu mar a thàinig à h-athair air ais a Leòdhas airson beagan mhìosan, an dèidh dhith fhèin sa màthair tilleadh, ri linn a bhochdainn a bh'ann an Amerigaidh anns na 1930an. As a sin, tha i ag innse mu mar a thill iad air ais a Chanada mar theaghlach, an cianalas a bh'oirre fàgail Leòdhas a-rithist agus mu am beatha ùr thall ann a sin. Bha mòran eileanaich eile ma chuairt orra ann a sgìre Fort William, Ontario - rud a bha na thaic mhòr dhaibh. Tha Catriona cuideachd ag innse mun bhuille mhòr a dh'fhulang iad 's mar a b'fheùdar dhi fhèin sa màthair an cùl a chuir ri Canada agus tilleadh dhachaigh a Rànais, aon uair eile.