Episode 2

Tha Dòmhnall MacLeòid a' fuireach ann am baile Rochester ann an Sasainn - am baile anns an deach Dickens àrach, far an do thòisich e sgrìobhadh agus far an do rinn e tàmh na inbheach .

Anns na prògraman seo, tha e fhèin agus Mark Wringe a' dol mu chuairt a' bhaile 's iad a' ruith air na làraichean a chleachd Dickens anns na sgeulachdan aige.

Ann am prògram an là an-diugh, tha 'd cuideachd a' tadhal air an taigh a cheannaich e. Tha Gad's Hill House an-diugh na sgoil agus an seòmar anns am biodh Dickens a' sgrìobhadh air a chaomhnadh dìreach mar a bha e. Bidh iad cuideachd aig Taigh an Luchd-Taistil Bhochd a chleachd Dickens airson sgeulachd The Seven Poor Travellers a chruthachadh, aig an chalet anns am biodh e a' sgrìobhadh as t-samhradh agus aig Àrd-eaglais Rochester, far a bheil uaigh fear Dorrett, a thathar an dùil a chruthaich an ainm Little Dorritt.

Seo an dàrna prògram de cheithir bho 2012 a bha comharrachadh 200 bliadhna bho rugadh an sgrìobhaiche Teàrlach Dickens agus ann a 2020 tha sinn a' comharrachadh gu bheil 150 bliadhna bho chaochail e.