Cyngerdd Hamddenol gyda Cerddorfa Genedlaethol Gymreig y BBC

ENGLISH

Beth yw Cyngerdd Anffurfiol?

Mae’n brofiad o berfformiad byw sy’n arbennig o addas i blant ac oedolion sydd ag awtistiaeth, nam ar y synhwyrau, nam cyfathrebu ac anableddau dysgu, yn ogystal ag unigolion sy'n fyddar, yn drwm eu clyw, yn ddall ac yn rhannol ddall.

Ar gyfer pwy?

Mae’r awyrgylch cyfeillgar a chroesawgar yn golygu ei fod yn addas i bawb!

Beth yw fformat y cyngerdd?

Caiff y cyngerdd ei gyflwyno’n Saesneg gan ein harweinydd Grant Llewellyn, a’r cerddor Andy Pidcock, mewn modd hwyliog a rhyngweithiol. Bydd y Gerddorfa yn chwarae cerddoriaeth a chlasuron poblogaidd y byddwch chi’n eu hadnabod o’r ffilm a'r teledu, fel ‘Happy’ o Despicable Me 2; thema Doctor Who a cherddoriaeth gan Rossini a Rimsky-Korsakov. Cliciwch yma i gael gwybodaeth am drefn y gerddoriaeth yn y cyngerdd.

Pa addasiadau a gaiff eu gwneud?

• Agwedd anffurfiol at symud a sŵn yn yr awditoriwm - cewch symud o amgylch, canu, dawnsio neu eistedd a gwylio.
• Mannau i ‘ymlacio’ ar gael y tu allan i’r awditoriwm.
• Systemau cyfathrebu â lluniau yn cael eu taflunio ar sgriniau mawr.
• Pobl sy’n defnyddio Iaith Arwyddion Prydain.
• Disgrifiad sain.

Pa mor hir yw’r cyngerdd?

Bydd y cyngerdd yn para tua 1 awr - does dim egwyl.

Pa gerddoriaeth fydd yn cael ei chwarae?

• Pidcock, arr. Glyn - Hello
• Rossini - William Tell: Overture
• School performance featuring pupils from Ty Coch School
• Tchaikovsky - The Nutcracker: Dance of the Sugar Plum Fairy
• Strauss - Blue Danube (abridged)
• Pidcock,arr. Glyn - Andy's Waltz
• Brahms - Hungarian Dance, No.6
• Pharrell Williams - Despicable Me 2: Happy
• Pidcock, arr. Glyn - AEIOU and La, La, La
• Grainer, arr. Gold - Doctor Who Main Theme
• Pidcock, arr. Glyn - Thank you very much
• Quincy Jones, arr. Dennis Burton - Soul Bossanova

Pa adnoddau sydd ar gael cyn y perfformiad?

Bydd pobl sydd wedi prynu tocynnau yn cael y canlynol drwy'r post cyn y cyngerdd:

• Stori Weledol
• Pecyn Gwybodaeth i Rieni

Beth yw pris y tocynnau?

Mae’r tocynnau llawn yn costio £14, ond gallwch ddod â’r teulu cyfan am gyn lleied â £15.

• Tocynnau Teulu: o £15*
• Tocynnau Myfyrwyr a phobl ifanc: £5
• Dros 65 oed: 10% i ffwrdd
• Cydymaith Hynt: tocyn am ddim
• Defnyddwyr cadeiriau olwyn a’u cymdeithion: £10 yr un

*Mae Tocyn Teulu ar gyfer 2 oedolyn ac 1-4 plentyn yn costio £20 yn unig, mae Tocyn Teulu ar gyfer 1 oedolyn ac 1-2 o blant yn costio £15 yn unig.

Sut ydw i’n archebu tocynnau?

Yn bersonol:

• Ewch i Swyddfa Tocynnau Neuadd Dewi Sant ar y llawr gwaelod (Neuadd Dewi Sant, yr Aes, Caerdydd, CF10 1AH).

Dros y ffôn:

• Archebwch yn uniongyrchol gan y Gerddorfa drwy ffonio ein Llinell Cynulleidfaoedd arbennig ar 0800 052 1812 (Llun-Gwen).
• Archebwch drwy Neuadd Dewi Sant ar 02920 878 444 - sylwch fod Neuadd Dewi Sant yn codi £1 yr archeb os byddwch yn dewis cael eich tocynnau yn y post.

Ar-lein:

• Archebwch drwy Neuadd Dewi Sant - stdavidshallcardiff.co.uk - sylwch fod Neuadd Dewi Sant yn codi £1 yr archeb os byddwch yn dewis cael eich tocynnau yn y post.

Drwy ddefnyddio'r gwasanaeth 'Next Generation Text Service':

• Defnyddiwch y gwasanaeth 'Next Generation Text Service' ar eich ffôn clyfar, dyfais tabled, cyfrifiadur neu ffôn - ewch i’r gwefan neu anfonwch e-bost atom yn now@bbc.co.uk i gael mwy o wybodaeth.

Gyda phwy ddylwn i gysylltu i gael mwy o wybodaeth?

• Ffoniwch y Llinell Cynulleidfaoedd ar 0800 052 1812.
• Ffoniwch Neuadd Dewi Sant ar 02920 878 444
• E-bostiwch now@bbc.co.uk
• Ewch i Swyddfa Tocynnau Neuadd Dewi Sant ar y llawr gwaelod (Neuadd Dewi Sant, yr Aes, Caerdydd, CF10 1AH).
• Anfonwch Neges ar Facebook: facebook.com/bbcnationalorchestraofwales
• Trydarwch ni @bbcnow
• Ysgrifennwch at y Llinell Cynulleidfaoedd, Cerddorfa Genedlaethol Gymreig y BBC, Neuadd Hoddinott y BBC, Bae Caerdydd, CF10 5AL