Bisgedi Sian Roberts
Bisgedi Sian Roberts ar raglen Shân Cothi.
Bisgedi Ceirch
Cynhwysion:
- 225g o flawd ceirch man
- 50g o flawd plaen
- 30g o sigwr man euraidd
- 3 llwy fwrdd o laeth
- 75g o fenyn
- ½ llwy de of bowdr codi
- ¼ llwy de o hufen Tartar
- ½ llwy de o halen (os wyt ti'n defnyddio menyn di halen)
- Rhowch y blawd ceirch mewn bowlen.
- Ychwanegwch y blawd, y siwgr man, y powder codi, yr hufen Tartar a’r halen (os wyt ti'n defnyddio menyn di halen).
- Cymysgwch gyda’i gilydd ac ychwanegwch y menyn. Rhwbiwch y menyn i mewn i’r cyfan nes bod y cymysgedd yn edrych fel briwsion bara.
- Ychwanegwch y llaeth a chymysgu a llwy i ddechrau, yna gyda’ch dwylo i ffurfio toes.
- Rholiwch y cymysgedd yn wastad.
- Torrwch yn gylchoedd a gosod y bisgedi ar hambwrdd pobi wedi’i iro.
- Coginiwch y bisgedi am 10 - 15 munud (dibynnu ar eu maint) mewn ffwrn sydd wedi ei thwymo o flaen llaw i 190 c/375 f/nwy marc 5.
Bisgedi Lysh
Cynhwysion:
- 210g o flawd plaen
- ½ llwy de o Halen Môn fanila
- 2 llwy fwrdd o siwgr eisin
- 175g o fenyn di-halen
- 1 llwy de o wirod Lysh/neu fanila
- ¼ llwy de o felyn wy
- 60 g o gnau almwnd wedi eu sleisio
- Rhowch y blawd a’r halen fanila mewn bowlen a’u cymysgu.
- Mewn bowlen arall, cymysgwch y menyn ac yna ychwanegwch y siwgr eisin, cnau almwnd, gwirod Lysh a’r melyn wy.
- Ychwanegwch y blawd a’r halen yn raddol i greu toes.
- Torrwch y does yn bedair. Rholiwch bob cwarter i siâp selsig, ac yna torri’r siâp selsig yn ddarnau bach.
- Rholiwch bob darn yn eich dwylo i greu peli bach. Rhowch y rhain ar hambwrdd pobi (heb ei iro).
- Gwasgwch y peli yn ysgafn gyda’ch bysedd cyn eu rhoi mewn ffwrn sydd wedi ei thwymo o flaen llaw i 150 c/200 f/nwy marc 2.
- Coginiwch am 10 - 15 munud (yn dibynnu ar faint y bisgedi) nes eu bod wedi dechrau brownio.
- Unwaith bydd y bisgedi wedi oeri, taenwch gyda siwgr eisin.
