Rysait Cimwch Thai Padrig Jones

Rysait Cimwch Thai Padrig

Mwynhewch y pryd gyda gwydr o win heb anghofio cwmni a cheddoriaeth dda!

Cynhwysion:
2 gimwch (un yr un, neu ½ yr un os yn gweini 4)

Past cyri Thai coch

Rhowch y cynhwysion i gyd mewn cymysgydd i greu y past.

5 chili coch hir
2 i 5 modfedd o sinsir fres (yn ddibynol ar eich dewis)
2 goesyn o lemongrass
6 i 8 clof o arlleg
3 o shallots
1 llwy de o coriander wedi ei falu’n fan
1 llwy de o cumin wedi ei falu’n fan
1 llwy de o bast berdysen (shrimp paste)
2 llwy de o paprica
½ llwy de o turmeric
1 llwy de o halen
1 llwy de o olew rapeseed

1 chili coch
Llond llaw o shibwns (spring onions)
Llond llaw o goriander
Llond llaw o fintys
1 bag o salad cymysg
1 leim
½ tin o laeth coconut

Dull:

- Rhaid berwi y cimwch am 5 munud

- Yna torwch y cimwch yn hanner i lawr ei hyd a’i lanhau. Torri’r cynffon mewn dau ddarn neis i fwyta.

- Cymysgwch y past cyri Thai coch gyda’r llaeth coconut a gorllwyswch y cyfan dros y cimwch.

- Yna rhaid torri’r chilli, shibwns a’r coriander a’u gosod rhain dros y cimwch.

- Rhowch y cyfan yn y popty am tua 12eg munud nes bod lliw neis a bod yn cimwch yn boeth iawn. (Gas 6 neu 200 gradd)

- Cymysgwch y salad gyda’r mintis, radish a sudd leim.

- Gweinwch y cimwch a’r salad gyda sglodion