An Lof Marmalaid

An Lof Marmalaid aig Màiri

6 unnsaichean flùr SR

½ spàin tì soda-arain

Spàin tì dinnsear

Cuir na tha seo tron t-sìoltachan.

Ris an sin, cuir:

4 unnsaichean ìm bog,

3 unnsaichean siùcar donn,

2 ugh air am bualadh,

4 unnsaichean marmalaid,

Rùsg de 1 oraindsear,

Sùgh de 1 oraindsear, ach cuir 4 spàinean mòr gu aon taobh.

 Measgaich na tha seo gu math agus dòirt a h-uile sian a-steach gu cnogan dà phunnd. Bruich ann an àmhainn aig 160C airson uair no suas gu uair ‘s cairteal.

 Fhad ‘s a tha sin a bruich, measgaich 1 spàin mòr de mharmalaid còmhla ris na 4 spàinean mòr de shùgh orainsear. Cho luath sa thig an lof a-mach às an àmhainn, dòirt seo air bàrr a’ chèic.