Diego Maradona dead: Tributes from Pele, Roger Mila, Kanu Nwankwo, Didier Drogba, Eto'o and odas as Diego Maradona Argentina football legend die at age 60
Wia dis foto come from, Getty Images
Argentina ex-football star Diego Maradona do die at di age of 60.
Di former Argentina attacking midfielder and manager bin successful do surgery ontop one brain blood clot early in November.
Afta dat one, dem come announce say dem go treat am for alcohol dependency.
One of di greatest players of all time, Maradona be captain wen Argentina win di World Cup, dem produce some ogbonge individual performances.
Wia dis foto come from, Rex Features
For statement ontop social media, di Argentine Football Association express "dia deepest sorrow for di death of our legend", dem add say: "You will always be in our hearts."
Maradona play for Barcelona and Napoli during im club career, e win two Serie A titles with di Italian side.
E score 34 goals in 91 appearances for Argentina, representing dem in four World Cups.
Maradona lead im kontri to di 1990 final in Italy, wia West Germany beat dem, before captaining dem again in di United States in 1994, but dem send am go home afta e fail drugs test for ephedrine.
End of Di one wey oda users dey read well well
During di second half of im career, Maradona struggle with cocaine addiction and dem ban am for 15 months afta e test positive for di drug in 1991.
E retire from professional football in 1997, on im 37th birthday, during im second stint for Argentine giants Boca Juniors.
Tributes
Pipo from all over di world don dey hail di legend.
Former football stars like imsef, pipo dey front with dia respects.
Former Ivory Cast player, Didier Drogba write say "RIP Diego Armando Maradona, my first ever football shirt, di man behind my love for footbal
Gracias El Pibe 💔"
Odas like Cameroon Eto'o Fils and Nigerian Kanu Nwankwo don also send dia respects.
Dis article contain content wey Instagram provide. We ask for una permission before anytin dey loaded, as dem fit dey use cookies and oda technologies. You fit wan read di Instagram cookie policy and privacy policy before accepting. To view dis content choose 'accept and continue'.
End of Instagram post
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
Liberia President and former football star George Weah say "We don lost legend and an icon. Dis na very sad day for di football world"
While Roger Mila say "I no fit believe a. My great friend Diego Maradona die today. Terrible news. Sad year. Rest In Peace LEGEND."
