Martin Amidu resigns: Ghana Special Prosecutor talk 'I no be poodle" as he resign
Wia dis foto come from, Gershon Mortey
Ghanaian anti-corruption crusader, Amidu resign as Special Prosecutor for Ghana.
According to de lawyer who Prez Akufo-Addo appoint around January 2018, he dey resign sake of he no be anybro en poodle.
"Dis is to infirm de public say I RESIGN FROM MY POSITION AS special prosecutor"
"Like I no for tell de public about my resignation… but de experience i go through after I submit my report on agyapa deal," he state for letter inside.
He explain say de reaction he get from govment for daring to look into de Agyapa Royalties deal dey show say he no go fit do en work independently as Special Prosecutor.
Mr Amidu resign few weeks after he submit report about Agyapa Royalties deal wey govment dey push, in dis report he explain say de Finance Minister of Ghana Ken Ofori Atta dey use South African company as cover to make money for himself.
Who be 'citizen vigilante' Martin Amidu who resign as Special Prosecutor
Martin Alamisi Burnes Kaiser Amidu before govment go appoint am as Special Prosecutor in 2018 enter public life as politician.
He serve as Attorney General den Minister of Justice under de late John Evans Atta-Mills govment from January 2011 till January 2012.
End of Di one wey oda users dey read well well
Mr Amidu, who get de nickname Citizen Vigilante, become very popular for Ghana after he pursue high-profile corruption cases without fear or favour.
Despote say he be NDC politician, he champion corruption crusade NDC part bankroller, Alfred Agbesi Woyome oover some GH¢51.2 million judgement scandal.
In dis scandal, some govment officials pay monies to Alfred Woyome for no work done.
He later become popular for de de 'gargantuan' inside Ghanaian political language after he used de word to describe how NDC businessman, Alfred Woyome corruption scandal.
Despite say he be NDC member, Prez Akufo-Addo appoint am on January 11, 2018 as Special Prosecutor.
En appointment excite many Ghanaians who argue say de appointment be proof say govment make ready to fight corruption.
Over one year after en appointment, Martin Amidu no successfully charge any public official plus corruption.
Dis create some disappointment among Ghanaians but he dey blame en inactivity on lack of support from govment until more recently he resign sake of govment no want make he fight against corruption independently.
