Coronavirus: Boris Johnson test positive to Covid-19
Wia dis foto come from, Reuters
UK Prime Minister Boris Johnson don test positive to coronavirus.
Dis one na tori wey dey comot from di domot of Downing Street. Im symptoms no strong well-well and e say im go continue to dey lead di goment, as dem dey respond to di virus.
E dey on self-isolation.
Inside video e post for twitter, e say e don develop small-small symptoms come test positive to coronavirus.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
Boris Johnson bin do get close contact with di goment chief scientist and all of di pipo wey dey in charge of to dey handle how di goment dey respond to di coronavirus palava.
Di prime minister dey well enough to continue work with technology, so for now, he no dey march break from im job.
In case of anything, Foreign Secretary Dominic Raab dey on standby, e go step up if Boris Johnson need to take time off work. For now, Mr Johnson still dey in charge.
