Hauwa Liman: Na heartbreak say dem kill Hauwa Liman - ICRC
Many pipo still shock on top di tori of how Islamic militants kill Hauwa Liman, di health worker wey dem kidnap for northern Nigeria.
Di International Committee of di Red Cross, ICRC, say di tori na 'heartbreak' and e still dey shock dem why dem go kill two female health workers back-to-back just like dat.
Bring Back Our Girls Group do protest on Tuesday 16 October for di capital Abuja to ginger goment about di aid worker.
Nigeria goment say di killing dey 'inhuman and ungodly'.
Na militant group, Islamic State West Africa Province (Iswap), kidnap Ms Liman, plus anoda midwife, Saifura Ahmed Khorsa for Rann, Borno state.
Di two bin dey work for IDP camp to help pipo wey escape militant attack for di region.
Last month, dem kill Ms Khorsa.
Nigeria presidential candidate Oby Ezekwesili wey be member of di group, dey wit oda members and she begin cry as she no fit control wetin dey pain her for belle.
End of Di one wey oda users dey read well well
Many pipo wey come out for di waka, cari long face as di girl wey di group kill still dey pain everibodi for bodi.
