Kofi Annan body don land Ghana for state funeral and burial
Wia dis foto come from, UN
Di bodi of former United Nations Secretary General Busumuru Kofi Annan don touch ground for Accra, Ghana capital for Monday evening.
Na United Nations plane bin cari di bodi of dia former oga come from Geneva, Switzerland capital.
Annan wife, Nane Maria and im pikin dem (Ama, Kojo and Nina) na part of di pipo plus UN officials wey follow am come for state burial wey Ghana goment plan to do for dia special pikin on Thursday, 13 September, 2018.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
President Nana Akufo-Addo, senior officials for goment and military go collect di bodi for Kotoka International Airport.
From di airport dem go move am go Accra International Conference Centre wia im bodi go lie in state so pipo fit see am till Tuesday 11 September.
Ghana announce last week say na for Burma Camp military cemetery for Accra, di headquarters of Ghana Armed Forces dem go bury Annan.
Di new military cemetery na wia Ghana dey bury military officers, presidents and ogbonge citizens wey don cari Ghana reach anoda level.
Wia dis foto come from, Kofi Annan/Twitter
Tori be say Annan bin sick afta im return from South Africa to celebrate di 100 year anniversary of freedom fighter and former presido Nelson Mandela birthday.
End of Di one wey oda users dey read well well
Kofi Annan, di gentle peacemaker, wey bi di seventh and only black African UN Secretary General die for 18 August dis year for Bern, Switzerland capital afta short sickness.
