Mr 2kay robbery: Burna Boy don deny accuse
Wia dis foto come from, @burnaboygram
Di record label of Nigerian singer Burna Boy Spaceship Entertainment don drop official statement unto di robbery of upcoming Nigerian singer Mr 2kay for October 22, 2017.
Police for Lagos state, Nigeria bin invite Burna Boy come dia station say dem wan ask am about di robbery mata.
Armed robbers bin attack Mr 2kay wey im real name na Abiye Jumbo inside im hotel room for Eko Hotel and Suites for Victoria Island, Lagos after im don perform finish for one musical concert, "Buckwyld N Breathless".
Wia dis foto come from, @mr.2kay
Di police talk say di suspects wey dem arrest confess say na Burna Boy send dem go rob Mr 2Kay to teach am lesson after di two singers beef diaself on top social media.
Mr 2Kay manager Silas bin claim for interview with Vanguard say wetin cause di two singers beef na because 2Kay bin correct some kain bad things wey Burna Boy talk about Nigerian pastors.
Burna Boy come reply Mr 2Kay say im hope say 2Kay go get power for am when im come for am because im go come for am.
Burna Boy record label don come out talk say dia singer no get any hand inside di robbery of Mr 2Kay and im don go see di police.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
Dem write for di statement say Burna dey ready to follow dem cooperate.
End of Di one wey oda users dey read well well
Di record company come still make am clear say no be true say dia artiste na wanted man and police no give am any arrest warrant.
