Commonwealth Games: Birmingham 2022 fotos of all di 12 women wey win gold medals for Nigeria
Wia dis foto come from, Getty Images
- Author, Princess Igho Williams
- Role, Broadcast Journalist, BBC News Pidgin
- Read am in 5 mins
Monday 8 August na di final day of action for di 22nd Commonwealth Games wey dey take place for Birmingham, United Kingdom and Nigeria don win 12 gold medals so far.
Na di kontri female athletes na dem win all di gold medal to di admiration of dia kontri pipo.
Di kontri Minister of Youth and Sports Development, Sunday Dare praise di athletes for dia 'breath-taking command performance.'
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post, 1
Female athletes also don help Nigeria win 6 silver and 8 bronze for di 2022 Commonwealth Games.
While di male athlete don help win 3 silver and 6 bronze for di kontri.
In total female don win 26 medals for Nigeria while male win 9 medals
So far, Nigeria don win total of 35 medals for now and dey number 7 rank for di Birmingham 2022 medal table.
Meet di 12 female athletes wey win Gold for Nigeria
1. Adijat Adenike Olarinoye
End of Di one wey oda users dey read well well
Wia dis foto come from, Getty Images
Adijat Adenike Olarinoye be di first athlete to win Nigeria first gold medal for di 2022 Commonwealth Games for Birmingham.
Olarinoye wey be 23 years old lift a total of 203kg to win gold for di women 55kg - Final on Saturday 30 July 2022.
She bin lift 92kg for di snatch, 111kg for clean and jerk, and lift 203kg in total.
2. Rafiatu Folashade Lawal
Wia dis foto come from, Getty Images
Rafiatu Folashade Lawal give Nigeria di second gold medal for di 2022 Commonwealth Games for Birmingham
Lawal wey be 25 years old lift 206kg to clinch di gold for di Women's 59kg - Final on Sunday, 31 July, 2022.
3. Chioma Onyekwere
Wia dis foto come from, Getty Images
Chioma Onyekwere make her make history as di first Nigerian to win di women Discus Throw gold medal for di Commonwealth Games on Final Tuesday 2 August 2022.
For her first appearance for di games she throw her season best of 61.70m for her fourth attempt to snatch di lead from Jade Lally of Britain.
Chioma Onyekwere wey also be di African Games and African Athletics champion na 28-year-old.
Di USA based engineer become only di second African female for di Games history to win gold afta Elizna Naude of South Africa do am for 2006 Melbourne games.
4. Goodness Chiemerie Nwachukwu
Wia dis foto come from, Getty Images
Goodness Chiemerie Nwachukwu win gold medal for di Women's Discus Throw F42-44/61-64 - Final on Thursday 4 August 2022.
Di 23 years old throw 36.56m to to clinch di gold medal for Nigeria.
5. Alice Folashade Oluwafemiayo
Wia dis foto come from, Getty Images
Alice Folashade Oluwafemiayo win gold for Team Nigeria for di Women's Heavyweight - Final on Thursday 4 August, 2022.
Di 37 years old Paralympic champion set a new Commonwealth Games record and smash di women's -86kg world record to win di medal.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post, 2
6. Blessing Oborududu
Wia dis foto come from, Getty Images
Blessing Oborududu no disappoint Nigeria as she win for di Women's Freestyle 68 kg - Gold Medal for di Commonwealth games on Friday, 5 August, 2022.
Oborududu wey be 33 years old retain di title wey she win four years ago for Gold Coast.
Wrestler Oborududu defeat Linda Morais for di 68kg women category final.
7. Odunayo Folasade Adekuoroye
Wia dis foto come from, Getty Images
Odunayo Folasade Adekuoroye add to di number of gold wey Nigeria don get as she win for di Women's Freestyle 57 kg - Gold Medal for di Commonwealth games on Friday, 5 August 2022.
Adekuoroye wey be 28 years old defeat her Indian opponent Anshu Malik for di 57kg freestyle category.
Dis na Adekuoroye third Commonwealth Games tile
She be two-time reigning Commonwealth Games champion and di reigning African champion.
8. Miesinnei Mercy Genesis
Wia dis foto come from, Getty Images
Miesinnei Mercy Genesis from Nigeria take di Women's Freestyle 50 kg - Gold Medal for di Commonwealth Games on Saturday 6 August 2022.
Genesis wey be 24 years old defeat Canada wrestler, Parks Madison to win di medal.
She win di encounter for di Coventry Arena on Saturday evening.
9. Eucharia Njideka Iyazi
Wia dis foto come from, Getty Images
Eucharia Njideka Iyazi get gold medal for di Women's F55-57 Shot Put - Final for Birmingham on Sat, 6 August 2022
Di 48 years old win with throw of 10.03m.
10. Tobi Amusan
Wia dis foto come from, Getty Images
Tobi Amusan wey be World hurdles champion win gold for di Women's 100m Hurdles - Final Sunday, 7 August, 2022
Amusan wey be 25 years old clock time of 12.30s for di final for Alexander Stadium to successfully defend her Commonwealth Games title on Sunday.
11. Tobi, Favour, Rosemary and Nzubechi4 x 100m Relay
Wia dis foto come from, Getty Images
Four Nigerian female athlete, Tobi Amusan, Favour Ofili, Rosemary Chukwuma and Nzubechi Grace Nwokocha help di kontri win gold for di Women's 4 x 100m Relay - Final on Sunday, 7 August, 2022.
Amusan start di race with brilliant first leg, before handing ova to Ofili, wey make sure say Nigeria maintain di advantage, before giving Chukwuma di baton.
Chukwuma come hand ova di baton to di reigning Nigerian 100m queen, Nwokocha.
Nwokocha maintain di first position advantage upon di threat of Great Britain's anchor leg Darly Neita to bring home Nigeria first women relay gold.
Grace Nwokocha tell BBC say di team bin dey disappointed for not winning medal for di world athletics championships for Orgeon and di win for Birmingham na relief.
"E dey good to come up here, executing our race and getting di best out of am. And dis na wetin wey always plan for. And we dey happy with wetin we get today,"
"We all dey work togeda, e no mata our ages, and we just want to work togeda, get di best out of oursef," Nwokocha tok.
12. Ese Brume
Wia dis foto come from, Getty Images
Ese Brume break Commonwealth Games record for Long Jump to win Gold for Nigeria.
Brume wey be 26 years old win Women's Long Jump - Final on Sunday, 7 August 202 to reclaim her commonwealth games title for di long jump with record of 7 meters.
She tell BBC say; "dis na one thing I really want. I dey like, I want to get di game record and I go push hard for am. And I keep on praying and believing. "
Nigeria Minister of Youth and Sports Development, Sunday Dare thank Ese Brume for making di kontri proud.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post, 3
While di Governor for di state where Ese Brume come from, praise her for making history and making Nigeria proud.
Ifeanyi Okowa write for im twitter say;
"A great leap into di history books for our daughter, Ese Brume, wey just break di Commonwealth Games long jump record. Dis na fantastic day for Nigerian sports as a whole!"
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post, 4
Oda Nigerians both female and male also don win silver and Bronze for di Birmingham 2022 Commonwealth Games.
