Morocco defeat defending champions Nigeria on penalties to book Wafcon 2022 final place

Live Coverage

Helen Oyibo and Tamara Ebiwei

1. 19 July 2022Thank you and bye-bye

   We thank una for following our live update of tonight semi-final match wey see hosts Morocco defeat defending champions Nigeria on penalties.

   Di Atlas Lionesses go jam Banyana Banyana of South Africa for Saturday fina.

   Meanwhile, Nigeria go meet Zambia on Friday to determine who finish third place.

   You fit read our Morocco vs Nigeria match report for here:

   Morocco defeat Nigeria to make history for Wafcon 2022

   Until next time, bye-bye.

2. 19 July 2022'Una make us proud'

   Moroccans no fit contain dia joy as dem witness di Atlas Lionesses make history.

   Dis na di first time wey dem go make di final of di Women Africa Cup of Nations.

   Not only dat, di Moroccan Women also qualify for next yeat World Cup.

3. 19 July 2022How Nigerians react to Super Falcons defeat

   Even though dia team lose for penalties, Nigerians feel 'proud' of dia performance.

   Di Super Falcons go need pick demsef up ahead of next year World Cup wey dem don qualify for.

   Nigeria, South Africa, Morocco and Zambia na dem don book automatic qualification for di 2023 Women World Cup wey Australia and New Zealand go host.

4. 19 July 2022'We fight bravely'

   Dia dream to win di title for record 10th time don end but Nigeria take dia defeat in good faith.

5. 19 July 2022Morocco react to win

   Morocco celebrate dia first Wafcon final for dia history.

6. 19 July 2022No 10th Wafcon victory for Nigeria

   Before dis tournament start, Nigeria be dey hope to win Wafcon for di tenth time.

   #Goforten na wetin di Super Falcons bin don dey ginger wit, but tonight semi final defeat don end dat dream of winning di tournament again.

   Dis defeat fit see di end of players like Onome Ebi international career as di 38th year old fit retire afta di third place match.

7. 19 July 2022Morocco defeat na my ‘worst match’ -Nigeria goalkeeper

8. 18 July 2022Morocco go meet South Africa for Wafcon 2022 final

   Hosts Morocco don book dia place for dis year Wafcon 2022 final afta dem beat defending champions Nigeria 5-4 on penalties.

   Di Atlas Lionesses go meet South Africa for Saturday final

9. 18 July 2022Ayane kick see Morrocco win on penalties

   Morocco striker Rosella Annie Ayane shoot straight down di middle to win di match for Morocco.

   Morocco 5-4 Nigeria

10. 18 July 2022Gift Monday score Nigeria fifth kick

    Left footer Monday score for Nigeria.

    Morocco 4-4 Nigeria

    if Morocco score dia next kick dem don win.

11. 18 July 2022Nesryne score for Morocco

    Elchad Nesryne score Morocco fourth kick.

    Morocco 4-3 Nigeria

12. 18 July 2022Plumptre score for Nigeria

    Ashley Plumptre draw Nigeria level.

    Morocco 3-3 Nigeria

13. 18 July 2022Redouane score three out of three for Morocco

    Defender Redouane score three out of three kicks for Morocco.

    Morocco 3-2 Nigeria

14. 18 July 2022Reginna score for Nigeria

    Reginna Otu score for Nigeria.

    Morocco 2-2 Nigeria

15. 18 July 2022Chebbak score for Morocco

    Morocco captain Ghizlaine Chebbak send Nnadozie go di wrong way.

    Morocco 2-1 Nigeria

16. 18 July 2022Save!

    Morocco goalkeeper save Onomonu kick

    Morocco 1-1 Nigeria

17. 18 July 2022Amani score her kick

    Amani go take Morocco first penalty.

    She score.

    Morocco 1-1 Nigeria for penalty shootout.

18. 18 July 2022Morocco vs Nigeria Penalty shootout

    Nigeria na dem go take di first kick.

    Rita Chikwelu scores!

    Morocco 0-1 Nigeria

19. 18 July 2022End of extra time

    120' Full time, dis semi final go enta penalties.

    Morocco 1-1 Nigeria

20. 18 July 2022

    118' Gift Monday make rare run into di Morocco half, she pass give Onumonu wey later lose di ball.

    Two minutes more before end of extra time.

    If e end like dis na penalty go settle am.