Voting don end for Cameroon elections

Over 6 million Cameroonians go vote to elect 180 parliamentarians and 360 councillors weh go make for office for 5 years.

Live Coverage

Fiona Equere and Helen Oyibo

5 March 2020WHO dey trace 65 passengers wey enta plane wit Italian man
Lagos State Commissioner for Health, Prof. Akin Abayomi say World Health Organisation don dey trace passengers wey enta di Turkish Airlines flight wit di Italian man wey carry Coronavirus enta di kontri.
Prof. Abayomi tok dis one wen im follow tori pipo tok, e say out of di 84 passengers wey dey live for Lagos, dem don find 49 but 35 still no dey reachable.
He say 35 pipo wey fit don get contact wit di Italian man still dey under 14 day quarantine. So far none of dem don develop symptom of di virus.
Di oga of health add join say dem dey monitor six pipo from di hotel di oyinbo man lodge and drivers wey carry am. For now dem neva separate anybody. Four pipo don dey tested, three dey negative and one positive.
On top why dem neva mention di Italian man name, Prof. Abayomi say e dey against medical ethics.
Di oyinbo man enta Lagos from Milan for February 24th and still dey collect treatment for di Infectious Disease Centre, for Yaba.
Wia dis foto come from, Prof. Akin Abayomi/FACEBOOK
Wetin we call dis foto, Lagos State Commissioner for Health, Prof. Akin Abayomi
9 February 2020Vote counting don finish for some Polling Centres
Vote counting don finish for plenti Polling Centres. Deh close de doors dem for count de votes. Only observers enta, de rest of the party supporters remain for outside di watch from window.
9 February 2020'No serious case of violence'
Wia dis foto come from, Women League for Peace and Freedom
Wetin we call dis foto, Pipo dey work for di situation room on election day
One women group wey dey monitor and record cases of violence for situation room say dem no too record serious cases of violence.
President of di women group with di app to record election violence, Sylvie Ndongmo, tok say from dia monitors, deh burn polling station burn for Bafut side, den explosion and gunshots for Makon and Mbengwi for Northwest.
Also for Kumba and Muea for Southwest region. For west region, deh see some voters for outside wit ballot papers for political parties.
Deh surprise supporters for ruling party, CPDM and SDF as deh still di campaign for election day for front polling centre, government school up-station for Bamenda.
"Generally no serious cases, we get plenti information for burning weh we still di go verify." Dem tok.
Di group also tok say dem receive warning from de same number but different names to stop di work dem dey do.
9 February 2020Election don end
Voting don officially over for Cameroon.
Kontri pipo vote to elect lawmakers and councillors inside double election today.
Di election body Elecam say voting go start 8:00am reach 6:00pm.
Some pipo wey monitor how di election waka say plenti pipo no too come out to vote.
For some places for Anglophone regions, na so-so gunshots full everywhere.
9 February 2020Police arrest Elecam official wey 'vote 89 taims'
Police don gbab one Elecam official wey tori pipo say 'vote 89 taims' for Kumba, Southwest region of Cameroon.
One resident for kumba confam give our tori pesin say di Chairman for polling station C, official for Elections Cameroon, dey for security dia hand.
According to report, wen pipo reach de polling station, 89 pipo dem bin don vote, but deh no see even one man for de place and no signature.
Tori na say opposition party Social democratic party kumba 3 district chairman Um Rufus' catch e wit box weh deh don flop’am wit ballot papers even before voting start.
Just na, Elecam nova make statement about de issue.
De resident tell BBC Pidgin say, just now, heavy shooting from military pipo weh deh di parade street sotei all man dey for ground.
For Kumba for one polling centre, 17 thousand bi get for vote but wit gunshots, deh no get even two hundred voters.
De Buea-kumba road no safe and deh attack Elecam officials.
9 February 2020Wetin pipo dey tok about Cameroon elections for social media
See some of di tins wey pipo dey tok for twitter about di Cameroon twin elections.
Skip X post, 1
Allow X content?
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post, 1
Skip X post, 2
Allow X content?
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post, 2
Skip X post, 3
Allow X content?
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post, 3
Skip X post, 4
Allow X content?
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post, 4
Skip X post, 5
Allow X content?
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post, 5
Skip X post, 6
Allow X content?
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post, 6
9 February 2020Mbororo women dey contest for be councillors for di election
Meet Aeisatu Bouba,civil society leader weh deh coach mbororo women for be councillors.
Some no fit read and write, odas no get birth certificate but dem dey contest to win di Sunday Cameroon election.
Indigenous women laik mbororo women dem for Cameroon still dey for back, deh no di hold any political position.
Aeisatu Bouba Ibrahim wan change de way mbororo woman dem di look politics, make deh take part for de process.
Wetin we call dis Video, Cameroon Elections: Meet Aiesatou Bouba, weh deh coach mbororo women for be councillors
9 February 2020'Voting dey slow'
Wetin we call dis foto, Fotso Alain for NGO, Un Monde Avenir, wey di monitor elections for Douala
Fotso Alain for NGO, Un Monde Avenir, wey di monitor elections for Douala say di voting dey generally timid and calm.
E tell our tori pesin for La Sagesse bilingual school about some of im observation.
Elecam explain say if some pesin register plenti taims na de last one bi valid.
If de pesin no collect de card for last registration e di cancel de odas registration.
9 February 2020'Bone 'small parties' tok to boycott Cameroon elections'
Wia dis foto come from, Twitter/@PR_Paul_BIYA
Wetin we call dis foto, Cameroon President Paul Biya dey vote for di 2020 twin elections
Cameroon President Paul Biya don ask kontri pipo to come out to vote for di twin elections wey dey happun for di kontri.
Di president tok as e cast im vote for Bastos primary school close to di presidency, e say e don do im duty, "belle dey sweet me".
E also use di oppourtunity to ask kontri pipo to do dia own duty and bone 'some small political parties wey dey tell pipo to boycott di elections.
9 February 2020'Dis election dey very important'- Cameroon PM, Cameroon Prime minister Joseph Ngute ask kontri pipo to go out and vote
Cameroon Prime Minister Joseph Ngute say di 2020 twin election dey very important to renew di institutions.
Di PM tok afta e cast e vote say e dey very important period for Cameroon di reforms wey di head of state don do wey concern decentralization plus di recommendations of di national dialogue.
Di PM call on citizens to go out an vote
Skip X post
Allow X content?
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post
9 February 2020Kontri pipo 'boycott' elections,
Wetin we call dis foto, Elecam officials dey wait for voters on election day
Plenti pipo no komot as polling centres open for 8:00am.
For goment primary school Bepanda, na just few pipo bi komot. Elecam officials for F polling no kam early.
Na de same slow vote for Joss for morning. But big some big pipo kam laik Emmanuel Kwa Dicka Littoral Regional delegate of Elecam, Governor of Littoral region,Samuel Diboa Sdf Vice President Joshua Osih governor, regional delegate for Elecam and opposition party Vice President.
But di general tori na say pipo no show big interest and one reason for Douala na say na CRM for Maurice Kamto, e stronghold and e boycott di election.
Den for oda parts like Anglophone regions, na gunshots bi dia music, plenti pipo fear for dia lives for komot go vote.
While plenti police also dey for polling centre, di check pipo dia identity.
9 February 2020Women group do ready app for record election violence
As plenti pipo dey worry about how di election go waka for Cameroon, one group of women decide to do something about am.
Di group wey e dey promote peace di worry say violence fit dey for di Municipal and Legislative elections inside Cameroon.
President for Women League for Peace and Freedom (WIL-FP) Sylvie Ndongmo, say afta deh follow di 2018 presidential elections weh deh di write all violence, deh start new way for get and analyse violence from de field for de whole kontri.
Check out how deh go work during di elections.
Wetin we call dis Video, Cameroon elections: Women group do ready app for record election violence
9 February 2020Make way, Chief of Bell community don show!,
Wetin we call dis foto, Chief Jean Yves Douala Manga Bell
How you tink say dem go welcome di Chief of Bell community to come vote?
No reason am too much.
As pipo gada to vote and observe for polling station wey dey for Lycee Joss school inside Douala na so dem begin hear pesin dey ring bell.
Di ringing of di bell na to announce di arrival of di traditional ruler of Bell community as im drive im big jeep enta di school wia pipo dey vote.
Jean Yves Douala Manga Bell wey be di chief for di area, no spend reach 20 seconds for di voting station na so e , enter im car comot, without voting.
9 February 2020Breaking, 'Gunfire all over Kumbo from night till morning', Anglophone regions di vote na with gunshots today.
Pipo for up kontri for Northwest region for Kumbo tell Human rights researcher Ilaria Allegrozzi say gunshots start for night till morning.
Also for Bali, hotspot for ‘boys’ pipo di hide for inside house deh no komot.
Resident for Jakiri still for northwest say deh go church na yesterday evening as deh fear for komot.
Na de same time for some parts for Southwest region, gunshots and plenti pipo di fear for go vote.
Skip X post
Allow X content?
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
Warning: Di BBC no dey responsible for di content of external sites.
End of X post
9 February 2020'Pipo with disabilities no plenti for lists'
Wetin we call dis foto, Martin Nsimi dey vex say pipo with disabilities no plenti for lists.
President for Douala Association of Handicap pipo for littoral region Martin Nsimi dey vex say pipo with disabilities no plenti for lists.
Nsimi wey don cast im vote say e get easy access for Joss High School polling station but e say as council don kam down close to de pipo, deh get make sure say deh make access for pipo wit disabilities priority.
Before, deh no bi mind but now deh go shine eye Nsimi tok.
9 February 2020Police pursue pipo wey dey sell during election
Police don pursue some pipo wey dey sell as di election dey happun for di kontri.
Trading during election dey illegal for Cameroon.
But dat one no stop some pipo.
Our tori pipo stil carry eye se some pipo wey dey 'buy and sell'.
According to one of di sellers, 'pipo must chop'
Wetin we call dis foto, Pesin dey trade
Wetin we call dis foto, Pesin dey buy food
9 February 2020Seven quick tins weh you get for know about Cameroon twin elections
Wetin we call dis foto, Cameroon twin elections
Just to quick- quick remind una say Cameroon dey vote dia lawmakers and councillors today.
See some sharp tins you need to know about di twin elections.
- Over six million Cameroonians go vote for elect 180 parliamentarians, and 360 councillors. according to Cameroon election office Elecam.
- Dis election dey come two years afta di kontri elect President Paul Biya
- Biya wey be di current president of Cameroon don rule di kontri for ova 35 years, e go leave office for 2025 afta im seven year term end. By dat time im go be 92 years.
- see di tins weh you for know for dis election.
Linkhttps://www.bbc.com/pidgin/sport-51432241
9 February 2020'I go continue to vote as long I di live'
Wetin we call dis foto, Meet mama Emilienne Kadji, di 62 year old voter.
Meet mama Emilienne Kadji, di 62 year old voter.
Madam Kadji start vote for 20 year and now weh e don reach 62, e di still vote.
She say as long as e di live e go continue to dey vote.
9 February 2020'Voting dey go on fain here for Douala', Governor for Littoral Douala, Ivaha Diboa Samuel Dieudonne don vote
Wetin we call dis foto, Governor for Littoral Douala, Ivaha Diboa Samuel Dieudonne don vote
Governor for Littoral Douala, Ivaha Diboa Samuel Dieudonne don cast im vote.
E say e laik de way election di waka for inside, calm and e wish say e go continue laik dis.
E add say security dey everywhere wit mbere dem for uniform and some for plain clothes. Any man weh e go want start trouble deh go deal with de person.
9 February 2020Dis ones na football dey dia mind
Cameroon pipo no dey take dia football joke. But you fit say di same thing for di whole African continent.
Here, inside di school wey dem convert to voting center, in between two school blocks 5 a side match dey go on.