Hosts Ivory Coast begin di 2023 Africa Cup of Nations wit comfortable 2-0 victory over Guinea-Bissau.
Moseph Ekine
Wia dis foto come from, Getty Images
Afcon 2023 don kick-off as hosts Ivory Coast begin di tournament wit 2-0 victory over Guinea-Bissau.
On Sunday, three more games go take place
You fit check out all di fixtures and group table for here.
Scroll down to read how di opening match of Afcon 2023 go.
Even though some football fans say di match bin dey boring , dem happy say Ivory Coast collect maximum points.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post, 1
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post, 2
Guinea-Bissau don fail to score for dia last eight matches for Africa Cup of Nations, dis match see dem exten dia own record for any team in di history of di competition.
E don pass more than 13 hours since dem last find di net (797 minutes), Piqueti score against Cameroon on 18 January 2017.
Only Benin (14) and Mozambique (12) don play more matches than Guinea-Bissau (10) for di tournament without winning one.
Wia dis foto come from, Getty Images
Ivory Coast open di 2023 Africa Cup of Nations wit a comfortable 2-0 victory over Guinea-Bissau.
Di hosts take early lead through Seko Fofana inside di opening five minutes to increas di party-like atmosphere inside di Alassane Ouattara stadium.
Despite containing di threats from Guinea Bissau, Ivory Coast double dia lead early in the second half through Philippe Krasso on 58 minutes.
Fofana also hit di crossbar for Ivory Coast and na dem go happy pass as dem bag di three points in front of over 60,000 pipo.
Afta 90 minutes of action, di hosts fit celebrate now.
Di Elephants don open dia Afcon campaign wit comfortable 2-0 victory over Guinea Bissau.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
Nicolas Pepe show some tricks as im make e way to di penalty box.
Di former Arsenal man blast a left foot shoot well over di bar.
On di other end Semedo try im luck from distance but na weak shoot im produce.
Ivory Coast use dia last window for substitution.
Doumbia don enter di match in place of Sangare.
Ivory Coast 2-0 Guinea-Bissau
Dis game look like e go end in di favour of di hosts wit only one minute remaining before injury time.
Ze Turbo try im luck again from outside di box. E be like e lack compossure as e rush di shot, di ball go out for goal-kick
Ze Turbo rise high inside di box and connect wit a left wing cross.
Di ball dey too high to trouble di goalkeeper.
Meanwhile Daicio don take di place of Mama Balde for Guinea-Bissau.
Surprise change here from Ivory Coast.
Coach Jean-Louis Gasset don take off centre-back Ousmane Diomande. Im replace am with Wily Boly.
Di hosts firmly dey in di lead here.
Guinea-Bissau make anoda change to freshen tins up.
Ze Turbo don enter di game and e replace Mauro Rodrigues wey look like e don taya.
Meanwhile Ivory Coast midfielder Franck Kessie fire shot wey di Guinea-Bissau goalkeeper save well go out for corner-kick.
Ivory Coast 2-0 Guinea-Bissau
Franculino break free down di left before im shoot left footed shot straight into goalkeeper Fofana.
Guinea-Bissau dey try to get at least a goal for dis game.
Franculino and Carlos Gomes don replace Carlos Mane and Cassama for Guinea-Bissau
Karim Konate and Nicolas Pepe don come on for Ivory Coast.
Dem replace Jonathan Bamba and di goalscorer Krasso.
Wia dis foto come from, Getty Images
Ivory Coast 2-0 Guinea-Bissau
Phillipe Krasso double Ivory Coast lead!
Di forward produce some good jugging skills before im volley di ball beyond di goalkeeper.
Ivory Coast 1-0 Guinea-Bissau
Ivory Coast defender, Aurier wey just enter fail to pick im marker as Rodrigues run free wit di ball.
Di forward try to pick out Carlos Mane but Konan track back to clear di ball out for corner.
From di corner-kick, Bikel head di cross over.
Ivory Coast make change to dia side.
Right back, Serge Aurier don replace Wilfried Singo
Di second half don begim
Football lovers don begin react to dat first 45 minutes of di 2023 Afcon.
While some pipo dey happy say hosts Ivory Coast dey lead 1-0, odas say di match no too make sense.
While some oda pipo dey tok about di opening ceremony.
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post, 1
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post, 2
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post, 3
Wia dis foto come from, Getty Images
Ivory Coast dey boss tins so far for dis opening match of di Afcon.
But dem go fit boss group A?
Nigeria and Equatorial Guinea also dey for di group and both teams go play dia first match tomorrow.
Wia dis foto come from, Caf_Online
Ivory Coast 1-0 Guinea-Bissau
Afta four minutes of added time, referee Amin Mohammed don blow for half-time.
Di fans inside di stadium still dey cheer on dia teams.
So far Seko Fofana early strike na im separate di two side.
