BBC News, Pidgin
Waka go wetin de inside

You’re viewing a text-only version of this website that uses less data. View the main version of the website including all images and videos.

Take me to the main website

Chelsea and Liverpool play out entertaining 1-1 draw for opening game of season

Chelsea welcome Liverpool to Stamford Bridge for Pochettino first game in charge as coach of di Blues.

Live Coverage

  1. Bye-bye!, FT Chelsea 1-1 Liverpool

    Na here we go end di our live coverage for today.

    Chelsea begin dia new life unde Mauricio Pochettino wit a draw against Liverpool.

    We go leave you wit di words of Jurgen Klopp:

    "We open up di door for Chelsea, we lose di ball in moments wia e bin dey difficult to prepare for am. E give di game a different direction so we bin no dey in control of di game.

    "Di second half bin dey more open and more chances for Chelsea but we show up. E bin really dey intense for both teams and we share a point at Chelsea.

    "From my point of view e look like we help Chelsea get back in di game."

  2. Pochettino and Chelsea hold Liverpool to draw

    Mauricio Pochettino go dey pleased wit wetin im eye see for im first league match of di season as coach of di Blues.

    Chelsea fall behind through Luis Diaz but dem quickly recover to draw di game level soon after.

    Axel Disasi on im debut equalise for game wey see most of di sides blood new players.

    VAR play big part as e disallow goals from Mohammed Salah and Ben Chilwell.

  3. FULL-TIME - Chelsea 1-1 Liverpool

    Referee Anthony Taylor don bring di game to a close.

    Both teams settle for draw afta a very entertaining match wia VAR cancel goals for both sides.

  4. CLOSE!, Chelsea 1-1 Liverpool

    90+3 mins

    Darwin Nunez curling shot go very close beyond Sanchez for Chelsea goal.

    Straight away, Mudryk carry di ball run go di oda end. Im dribble Alisson but di goalkeeper force di Ukranian to go wide and lose di chance to score di winner.

  5. SUBSTITUTION, Chelsea 1-1 Liverpool

    90 mins

    Mac Allister too don receive yellow for di same offense wey see Jackson collect yellow.

    Im ask di ref ti card anoda player.

    Meanwhile Lesley Ugochukwu don enter di game in place of Chilwell.

    Dis na di midfielder first game for Chelsea afta dem sign am from Rennes

  6. YELLOW CARD, Chelsea 1-1 Liverpool

    86 mins

    Nicolas Jackson na di next name to enta di referee book.

    Di striker receive yellow even though na him suffer di challenge from Konate.

    Jackson collect yellow becos e ask di ref to card Konate and under di new rules, players no need tell di referee to card anoda player.

  7. , Chelsea 1-1 Liverpool

    84 mins

    Di next goal for dis game fit be di winner.

    Both sides still dey try to carve open eachoda, Chelsea na dem dey see more of di ball though.

  8. SUBSTITUTION, Chelsea 1-1 Liverpool

    81 mins

    More substitutions for Chelsea, Mudryk & Maatsen don enter di game.

    Dem replace Chukwuemeka and Sterling

  9. , Chelsea 1-1 Liverpool

    76 mins

    Jackson find imsef for good position just by di right.

    Di linesman flag for offside.

    Meanwhile Chelsea now go make two substitutions: Malo Gusto come on to replace James.

    Salah wey no look happy also don come off for Liverpool, Ben Doak na im replace am.

  10. GREAT SAVE!, Chelsea 1-1 Liverpool

    71 mins

    Arnold lose di ball to Colwill wey find Jackson wit nice through ball.

    Di Senegalese striker race down towards goal before im test Alisson wit shot wey di keeper save well.

    Chelsea dey look like di side wey pack more threat.

  11. YELLOW CARD, Chelsea 1-1 Liverpool

    68 mins

    Trent Alexander-Arnold don see yellow sake of time wasting.

    Di defender delay to take throw-in and ref Anthony Taylor no like am.

  12. SUBSTITUTION, Chelsea 1-1 Liverpool

    65 mins

    Liverpool make two changes, Curtis Jones & Darwin Nunez don come on to replace Cordy Gakpo and Diogo Jota.

  13. , Chelsea 1-1 Liverpool

    61 mins

    Reece James try to catch Sanchez unaware wit im freekick.

    Di right-back cross-shot go jsut over di bar.

  14. GREAT SAVE!, Chelsea 1-1 Liverpool

    55 mins

    Alisson spread im body well to deny Chilwell from scoring.

    Sterling hold di ball well come play am towards Enzo wey pass di ball first time to di left back.

    Di defender need to do better to score but good save all di same by di Liverpool goalkeeper.

  15. , Chelsea 1-1 Liverpool

    52 mins

    Chelsea and dia fans breathe sigh of relief.

    Diaz header hit Jackson hand inside di penalty box, VAR check am but say no penalty.

  16. CLOSE!, Chelsea 1-1 Liverpool

    49 mins

    Van Dijk go close for Liverpool wit curling shot from outside di area.

  17. , Chelsea 1-1 Liverpool

    46 mins

    Liverpool restart play.

    How dis match go end? Na for dis half we go know.

  18. HALF-TIME, Chelsea 1-1 Liverpool

    Interesting game so far wey involve two big calls from VAR.

    Chelsea and Mauricio Pochettino in particular na im go happy pass as im team come begin press di visitors since dem equalise.

    Liverpool go need reset tins as dem bin look like say dem no fit contain Chelsea pressure afta dem start well.

  19. , Chelsea 1-1 Liverpool

    45+1 mins

    Into six minutes of added time and Chelsea dey on di up.

    Since dia equaliser di Blues don begin control tins.

  20. CLOSE!, Chelsea 1-1 Liverpool

    42 mins

    Jackson go close for di hosts wit shot just inside di area