Una good night!
Na here we go march break for our coverage of di Ghana vs Nigeria world cup qualifier play off wey happun for Kumasi, Ghana.
Thank you for staying wit us.
Good night!
You’re viewing a text-only version of this website that uses less data. View the main version of the website including all images and videos.
Ghana vs Nigeria - How e happun live for Kumasi
Ghana dey play dia fellow West Africa neighbours Nigeria for di Baba Yara Stadium for Kumasi.
Live Coverage
Helen Oyibo and Victor Ezeama
Ghana vs Nigeria WorldCup playoffs end 0-0, Di return leg go happun on Tuesday for Abuja, Nigeria capital.,
Di ogbonde Ghana vs Nigeria WorldCup playoffs first leg end for barren draw.
For inside di match, two pipo chop yellow cards.
Alexander Djiku of Ghana and Oghenekaro Etebo.
Etebo chop yellow card sake of one controversial moment wen im bin tink say referee go award penalty afta dem fowl am.
But referee go check VAR come see say no be penalty.
Match statistics show say Ghana get three shots on target while Nigeria get two.
Ghana get 52 percent ball possession while Nigeria get 48.
Ghana get nine corner kicks while Nigeria get two.
For goalkeeper saves, Ghana get two while Nigeria get three.
All eyes dey focused on Tuesday for di return leg for Abuja, Nigeria capital.
Di match still open, but Nigeria get advantage as dem pick one point against Ghana for dia house.
Breaking, Full Time....
Ghana 0-0 Nigeria.
Four mins extra time
90 minutes don reach and di match don enta extra time.
Calvin Bassey error almost cost Super Eagles
Bukari run from di wing afta Bassey lose posseion. Na Emmanuel Dennis come save di situation.
Di two teams don dey tire
Na five minutes remain for dis tension game.
Both teams dey play carefully and dem dey look for counter attack
Inside di last 10mins
Di two teams still dey play 0-0.
Ghana make second substitute
Daniel Koffi-Kyereh enta for Gyan.
Ghana make first subsitution
Osman Bukari enta for Issahaku.
Ghana vs Nigeria WorldCup playoffs: How e be so far, Na still goalless draw afta seventy minutes,
Ghana and Nigeria still dey kwanta for dis ogbobge match.
As e be so, no side don score goal, Ghana and Nigeria don get plenti chances but dem neva convert any one.
Pressure dey well-well for di Super Eagles defence.
DI Ghanaian defence too don feel pressure from di Super Eagles.
Moses Simon don comot and na Ademola Lookman replace am.
Football fans from both kontris still dey hope say dem go win.
Referee cancel Super Eagles penalty
Oghenekaro Etebo collect yellow card afta e protest referee decision to cancel penalty.
Two substitute for Nigeria
Moses Simon comot for Lookman. Im na di Leicester forward wey just pledge im allegaince to Nigeria
Cakvin Bassey enta for Zaidu.
Super Eagles don make five changes.
In oda news...
We dey get reports say serious power and connectivity issues hit di stadium - to di extent say none of di broadcasters dia fit go on air.
Black stars dey press
Francis Uzoho save anoda shot from Ghana.
Dem nearly score again from anoda corner kick
Nigeria get free kick
Kelechi kick hit Ghana wall. Di ball go corner.
Nigeria first corner of di game.
Jordan Ayew shoot
Crystal Palace foward shoot ball from di half go over di bar.
Two substitutes for Super Eagles
Emanuel Dennis enta for Samuel Chukwueze.
Oghenekaro Etebo enta for Innocent Bonke.
First Yellow card
Ghana defender Alexander Djiku get di first yellow card of di game afta e use hand stop Osimhen.
Substitute for Super Eagles
Frank Onyeka enta for Joe Aribo.
Wollacott save Simon shot
Black stars goalkeeper save shot from Simon Moses
