#EdoDecides2024: How Edo governorship election take waka
Ova 2.2 million pipo register to vote for who go be di next govnor of Edo State for southern Nigeria.
Summary
- Vote counting don start for Edo state governorship election
- Heavy security mount for INEC collation centre
- Olumide Akpata lose for im polling unit
- Afrobeats star Davido dey para for INEC
- Whoever become govnor-elect go replace Godwin Obaseki for office on 11 November
Live Coverage
Helen Oyibo, Annette Arotiba, Victor Ezeama
Na hia we go match break!, We dey come back
We don match break for our coverage of di Edo state governorship election.
Thank you for following all our tori
We go come back wen dem start to collate di result
See you later!
INEC IReV portal show as Edo governorship election results dey enta
Wia dis foto come from, INEC
Di Independent National Electoral Commission don kontinu to upload results sheets from polling units inside di Edo State Governorship Election results portal, IReV.
Di commission don begin upload di result sheets since counting of ballots start for polling units wia di voting process don end.
E neva clear who dey lead among di three ogbonge candidates but di Inec so far don upload high percentage of di result sheets for dia results portal.
Also, heavy security don mount for di Inec collation centre for Benin, di state capital ahead of di official announcement of result.
Monitor Inec IReV portal here: https://www.inecelectionresults.ng/elections/latest
Edo electoral commissioner assure voters say dia votes go count
Wia dis foto come from, Anugbum Onuoha Facebook
Wetin we call dis foto, Edo state Inec resident electoral commissioner, Anugbum Onuoha Di Inec Resident electoral commissioner (REC) for Edo state Anugbum Onuoha don tell tori pipo say voters no need worry say dia vote go count.
Onuoha tok dis one afta im assessment of di Edo Governorship election exercise.
E add say even though rain fall, and some officials no quick reach dia polling units and minor issues di proccess dey generally commendable.
Breaking, Asue Ighodalo win im polling unit
Di PDP govnorship candidate for di election, Asue Ighodalo win im polling unit.
E win Esan South East, Ward 1, Unit 3 Idiro.
PDP- 200
APC- 45
LP - 0
- Why Edo state Election na three-horse race
Wia dis foto come from, Asue Ighodalo media unit
Wetin we call dis foto, Result sheet for Esan South East, ward 1, Unit 3 Idiro INEC set up collation wia dem go announce result
Di Inec State collation center don begin setup for di arrival of results from di various local govment for Edo state.
Different RAC centers don begin di collation of results from polling units.
Meanwhile, within local goment areas like Oredo, Egor and Ikpoba Okha, voters quickly cast dia votes despite di heavy rain wey fall.
Oredo wey be one of di local goments wey get number of registered voters pass for di state, plenty polling units quickly count dia ballot papers finish.
Massive security dey for Inec collation centre
Heavy security mount for INEC collation centre for Benin, di Edo state capital.
Na for di collation centre dem go announce di results of di election.
Our tori pesin see many security pipo including police, army and DSS.
Inec neva tok wen dem go start to collate result for di election wey start since 7am dis morning.
Wetin we call dis foto, Foto of Police men wey dey guard Inec collation centre in Edo state 
Wetin we call dis foto, Foto of Police men wey dey guard Inec collation centre in Edo state 
Wetin we call dis foto, Foto of Police men wey dey guard Inec collation centre in Edo state 
Wetin we call dis foto, Foto of Police men wey dey guard Inec collation centre in Edo state 
Wetin we call dis foto, Foto of Police men wey dey guard Inec collation centre in Edo state Fotos of result sheet from different polling units
Wetin we call dis foto, Result sheet from polling unit for Edo state As counting of votes dey go on for Edo, fotos of result sheets don begin enta from different polling units.
Wetin we call dis foto, Result sheet from polling unit for Edo state 
Wetin we call dis foto, Result sheet from polling unit for Edo state 
Wetin we call dis foto, Result sheet from polling unit for Edo state 
Wetin we call dis foto, Result sheet from polling unit for Edo state 
Wetin we call dis foto, Result sheet from polling unit for Edo state 
Wia dis foto come from, bb
Wetin we call dis foto, Result sheet from polling unit for Edo state 'Edo pipo make una no sleep' Davido tell voters
Wia dis foto come from, AFP
Nigeria musician David Adeleke wey dey popular as Davido dey beg Edo pipo to shine dia eyes as counting of votes don start.
E encourage dem to push sleep go one side as im alleged say na for night mago-mago dey happun as e make reference to wetin happun for di govnorship election for Osun state.
"Nah dat night dem dey always strike … for osun we no sleep three days .. I know how many back of head I slap dat day ..’wake up ooo sleep neva reach “.. Edo pple una need to dey vigilant till di very end… I mean VERY END !! e post on im X account
Skip X postAllow X content?Warning: Di BBC no dey responsible for di content of external sites.Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
Olumide Akpata lose for im polling unit
Wetin we call dis foto, Result sheet Labour Party candidate for di Edo state governorship election Olumide Akpata don lose im polling unit.
Result from im polling unit PU11, Ward 06, Oredo show say na PDP Asue Ighodalo win di unit.
APC: 19
LP: 32
PDP: 41
Vote counting don start for Edo state governorship election
Wetin we call dis foto, Some women dey dance as counting of ballot dey go on Counting of ballots don begin for di Edo governorship election as Inec extend voting for some areas.
Some party members dey celebrate di victory of dia candidates for Obaseki polling unit.
Na for areas wey officials late to arrive wia authorities bin extend voting hours for polling units.
Wetin we call dis foto, Counting of votes don begin across poling units Unidentified thugs scata electoral process for polling unit for Uselu
Presiding Officer for Polling Unit 021, Ward 07 Uselu 01 run comot di polling unit afta unidentified thugs scata di voting process
As di voting dey go on, some thugs bin storm di place, begin throw away ballot papers inside water.
Di electoral officer for Egor local goment, Boma Bamson wey follow BBC Pidgin tok say if tins scatter, afta dem chook eye for di mata and confam, dem go cancel di election for di polling unit.
Oga Bamson say Inec go investigate di mata wen dem see di presiding officer wey run comot for polling unit.
INEC extend voting time for areas wia voting start late
Di Independent National Electoral Commission (Inec) don extend di time of voting for areas wia di process start late.
Mohammed Haruna, Inec Information and Voter Education Committee announce di informate for inside statement di commission post on X.
“To ensure say no voter dey disenfranchised, di commission wish to say, in line wit our regulations and guidelines, voting go dey extended wherever e start late and go continue until di last voter on di queue wey arrive di polling unit by 2:30pm don vote.” Di statement read.
Di electoral body say dem don inform di Inec Edo state office to ensure to provide light and back-up electric generators for di affected polling units or ward collation centres.
Skip X postAllow X content?Warning: Di BBC no dey responsible for di content of external sites.Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post
Fotos from moments wen di three top Edo gubernatorial candidates cast dia votes
Wia dis foto come from, Asue Ighodalo/Instagram
Di Peoples Democratic Party (PDP) candidate for di Edo state govnorship election Asue Ighodalo cast im vote for Polling Unit 3 ward 1, Idiro Okaigben, Ewohimi, Esan South East LGA.
For im Instagram account, e say im dey impressed wit di turnout of voters but INEC really need to step up dia game.
“I believe strongly say di preparation for an off-cycle suppose dey beta to forestall some of di delays we witness today,” e tok.
Wia dis foto come from, Monday Okpebholo/Facebook
Govnorship candidate of di All Progressives Congress Monday Okpebholo cast im vote for im polling unit for Udomi primary school 1, Irrua.
While di Labour Party govnorship candidate, Olumide Akpata cast im vote for Polling Unit 011, Ward 06 New Benin, Oredo LGA.
For Akpata, e say di electoral process dey smooth for am and e hope say na so e be for all Edo voters.
PDP candidate Asue Ighodalo don cast im vote
Wia dis foto come from, X/Aighodalo
Asue Ighodalo, di PDP candidate, don cast im vote.
Even though di process start late for im polling unit due to di late arrival of election materials.
E vote for Ward 1, PU 3, Ewohimi, Esan south-east LGA.
Tori be say e vote around 12:00pm
'I dey happy to experience di process' - First time voter
Nancy dey vote for di first time in her life.
Di 22-year-old say she for vote for 2019 but she bin dey write di West African Senior School Certificate Examination dat year.
She no tok why she dey vote, however she say she like di feeling of voting and she dey happy to experience di process.
80-year-old Bello Osagie vote for Edo gubernatorial election
Madam Bello Osagie wey don pass 80-year-old say di situation of di kontri force her to come out to vote.
“Di situation of dis kontri let many pipo down, everything don cost especially for Benin, no fuel, wia I dey go before for N500, now na N2,000.”
She dey hope say make beta pesin wey get di interest of pipo for heart win di election.
Breaking, Obaseki cast im vote
Edo state Govnor Godwin Obaseki don cast im vote.
Obaseki cast im vote for im polling Unit 19, Ward 4, Oredo LGA.
Di govnor say di process dey go peacefully and e dey expect good result.
Edo voters cast ballot inside rain
Despite rainfall for some parts of Edo state, eligible voters still turn out for dia numbers to vote.
Some voters hold umbrella and stand for dia polling units to wait to cast dia vote.
Voters for Edo state dey vote to elect di next govnor wey go take ova from Godwin Obaseki wey don rule di state for eight years.
'Di voting process dey seamless for me' - Olumide Akpata
More from di Labour Party govnorship candidate for di Edo state gubernatorial election Olumide Akpata afta im cast im vote.
E say di voting process dey smooth for am and e hope dat go be di experience of all Edo voters.
“I still dey try make my own conclusion but for my own process, e dey seamless, di machine work, dem capture me, my foto dey my ballot paper, I go vote. E go well for me and I hope dat go be di experience of every Edo voter but I no go conclude yet till we get feedback.”
On di election, e say dem dey get some concerning feedback but im still dey try verify and observe till im make any statement.
Oga Akpata also call on Inec to allow all party agents for di collation center, so dat all of dem go witness di electoral process and confam di credibility of di process.
