Osun governorship election live updates: Inec declare Adeleke winner of Osun govnorship race

Live Coverage

Victor Ezeama and Tunde Ososanya

1. 16 August 2026Una bye-bye

   Na hia we go match break for our coverage of di govnorhip election for Osun State, southwest Nigeria.

   Below na summary of di election wey see di return of Ademola Adeleke as govnor of Osun State. E beat 14 oda candidates including Bola Oyebamiji of APC, wey be im main challenger.

   • President Bola Tinubu, Atiku Abubakar, Bukola Saraki, odas congratulate Adeleke
   • Afrobeats singer Davido react to di election victory of im uncle

   • Breakdown of Osun State govnorship election results by local govments afta Adeleke re-election
   • Osun State get 30 LGAs wit over 3000 polling units

   Me and oda tori pipo Tunde Ososanya, Adesola Ikulajulo, Annette Arotiba, Tamara Ebiwei, Mobolaji Olatunde, Adebola Ajayi and Chukwunaeme Obiejesi dey tell una bye-bye.

   We go meet again for our next election coverage wey be di 2027 general elections.

2. 16 August 2026'I go correct my errors and Osun go witness growth' - Govnor Adeleke, Govnor Adeleke dedicate im victory to di pipo of Osun State

   Article Information

   • • 
     • Author, Tamara Ebiwei
     • Role, BBC News Pidgin

   

   Wia dis foto come from, Ademola Adeleke

   "I dedicate dis win to di pipo of Osun state." Dis na wetin Ademola Adeleke tok for im acceptance speech.

   Im tok hours afta Inec declare am winner of di election wey happun on Saturday 15 August, 2026.

   Im promise to support Osun pipo and also vow to correct di mistakes wey im bin don make.

   "As you don trust me for di second term, I no go disappoint you. I go correct my errors and Osun go witness growth. I deeply appreciate Mr President Bola Tinubu for im support for free and fair election.

   To dose wey love democracy, thank you for your support. We go expand development for Osun. I extend my olive to my co-contestants, I be govnor of all. Congratulations to Osun pipo and dose wey believe in good governance."

3. 16 August 2026'Thank you Mr President' - Gov. Adeleke

   

   Wia dis foto come from, Ademola Adeleke/X

   Osun state govnor Ademola Adeleke say President Bola Tinubu don call am to congratulate am on im victory for di Saturday, 15 August govnorship election.

   Adeleke wey describe im re-election as victory for democracy and di pipo of Osun State, hail di Nigerian leader for supporting di democratic process.

   “I wan seize dis opportunity to thank Mr President. Mr President don call and e don congratulate me. Thank you, Mr President, for making sure democracy lives on bicos you fight for am," e tok.

4. 16 August 2026'Wen di pipo stand, democracy go win' - Peter Obi on Osun election outcome

   

   Wia dis foto come from, Peter Obi/X

   Presidential candidate of di Nigeria Democratic Congress (NDC) Peter Obi don congratulate Govnor Ademola Adeleke on im re-election as di govnor of Osun State.

   Obi, wey be former Anambra State govnor for one post on X describe di outcome as victory for democracy, as e hail Osun voters for defending dia mandate.

   According to Obi, Osun pipo vote Adeleke again sake of im “commitment to di pipo, compassion for dia needs, and di strength of im work and achievements for office”.

   “Di lesson from Osun dey clear: democracy dey strongest wen citizens dey alert, sabi dia civic responsibility, and dey determined to ensure say dia votes count,” Obi add.

   E advise Nigerians to remain active for di electoral process ahead of di 2027 general elections, as e call on political actors to prioritise di interests of citizens and embrace peace.

5. 16 August 2026Adeleke son B-Red celebrate im papa victory

   Article Information

   • • 
     • Author, Tamara Ebiwei
     • Role, BBC News Pidgin

   

   Adebayo Adeleke wey dey popular as B Red na di son of Osun state govnor-elect.

   B Red wey be Musical artiste celebrate di victory of im papa, Ademola Adeleke wit drummer.

6. 16 August 2026'Your victory demonstrate say anti-democratic forces dey waste dia time' - Obaseki tell Adeleke

   

   Wia dis foto come from, Godwin Obaseki/Facebook

   Former govnor of Edo State Godwin Obaseki don congratulate Govnor Ademola Adeleke for im re-election as di govnor of di state.

   E say: "Dis victory dey particularly significant, not only becos e reflect di wishes of di pipo of Osun State to give you di mandate to serve as dia Govnor for anoda four years, but also becos e demonstrate di futility of anti-democratic forces wey desperate politicians bin deploy to supress di will of di pipo."

   E also say Adeleke victory send clear message to Nigerians say wen di pipo stand togeda wit courage, determination and common purpose, dem get di power to defend dia democratic choices and compel political leaders to act in di best interests of di pipo.

7. 16 August 2026Breakdown of Osun State govnorship election results by local govments afta Adeleke re-election

8. 16 August 2026APC party agent comot from collation centert, no dey to sign final result

   Afta Inec collate results finish and declare Ademola Adeleke as winner add di party agents bin dey around to sign apart from agent wey bin no dey available for di signing of di result sheets afta Inec collate di results from Local govments.

9. 16 August 2026Atiku congratulate Govnor Ademola Adeleke on im re-election

   

   Wia dis foto come from, Atiku Abubakar/X

   Di Presidential Candidate of di African Democratic Congress (ADC) for di 2027 Nigeria general elections and former Vice President Abubakar Atiku don hail Osun State govnor-elect Ademola Adeleke for im victory at di polls for di just concluded govnorship election.

   Atiku for one post on im official X account on Sunday tok say Adeleke victory demonstrate di choice of di pipo of Osun State and dem express am for di ballot box.

   “I commend di pipo for dia passion and peaceful participation. I wish Govnor Adeleke continued success as e continue to serve dem," e tok.

10. 16 August 2026Osun State election result across 30 LGAs

11. 16 August 2026Fotos from jubilation for Govnor Adeleke house as e win Osun election, Na celebration galore for Osun State

    Pipo for Govnor Ademola Adeleke house jubilate as e win di election wey return am to office for second term.

    Adeleke bin face strong opposition from di APC candidate Bola Oyebamiji for di neck to neck election.

    For supporters of Govnor Adeleke, na celebration galore.

    

    

    

    

12. 16 August 2026Crowds jubilate for Osun State ova Adeleke re-election

    

    Plenty jubilation dey happun across Osun State, southwest Nigeria as di Independent National Electoral Commission (Inec) declare Govnor Ademola Adeleke winner of di concluded 15 August govnorship election.

    Di celebrations full Osogbo, di state capital and for Ede wia Adeleke come from, as supporters gada for streets dey sing and dance as dem express joy on di outcome of di election.

    For di Inec collation centre for Osogbo, supporters gada as di returning officer Joshua Ogunwole announce results from di state 30 local govment areas.

    Di electoral body declare Adeleke of di Accord Party, di winner of di polls for di early hours of Sunday, 16 August.

    Adeleke poll 511,067 votes to defeat im closest challenger, di All Progressives Congress (APC) candidate, Bola Oyebamiji, wey score 444,815 votes. Najeem Salaam of di African Democratic Congress (ADC) come third wit 17,180 votes.

    

13. 16 August 2026Bola Oyebamiji of APC win 11 LGAs, Dis na di local govments wey Oyebamiji win

    

    Wia dis foto come from, Bayo Oyebamiji/Facebook

    Bola Oyebamiji wey be di APC candidate stand gidigba for 11 local govment areas.

    Ilesa East:

    APC - 16,208

    Accord - 12,280

    Boripe:

    APC - 19,963

    Accord - 12,448

    Irepodun:

    APC - 15,713

    Accord -14,504

    Obokun:

    APC - 16,120

    Accord - 12,023.

    Atakumosa West:

    APC: 10037

    Accord: 7479

    Irewole:

    APC: 29972

    Accord: 10934

    Atakumosa East:

    APC: 9936

    Accord: 7872

    Isokan:

    APC - 14063

    Accord - 13765

    Olaoluwa:

    APC: 10782

    Accord: 10063

    Ife South:

    APC: 14678

    Accord: 13507

    Olorunda:

    APC: 24,671

    Accord: 23,514

14. 16 August 2026Davido reaction as Inec declare im uncle winner of Osun election

    Afrobeat sensation and musician David Adeleke wey pipo sabi well-well as Davido react wit jubilation as di Independent National Electoral Commission (Inec) announce im uncle as winner of di Osun State govnorship election.

    David post for in social media handle:

    "We do am Unc" wit di Nigeria flag emoji.

15. 16 August 2026List of di 19 LGAs wey Govnor Adeleke win, Dis na di local govements Adeleke win

    Article Information

    • • 
      • Author, Tamara Ebiwei
      • Role, BBC News Pidgin

    

    Ede North:

    Accord - 35,427;

    APC - 10,283

    Osogbo:

    Accord - 36,480

    APC - 30,474

    Ede South:

    Accord - 26,188

    APC - 6,219

    Iwo:

    Accord - 27,085

    APC - 19,660

    Ife East:

    Accord - 27,201

    APC - 18,600

    Ife Central:

    Accord - 21,171

    APC - 15,913

    Ifelodun:

    Accord - 21,107

    APC - 18,396

    Oriade:

    Accord - 21,343

    APC - 14,863

    Egbedore:

    Accord - 19,278

    APC - 11,194

    Odo Otin:

    Accord - 18,003

    APC - 15,435

    Ilesa West:

    Accord - 16,196

    APC - 12,756

    Ila:

    Accord - 16,211

    APC - 12,934

    Ayedaade:

    Accord - 16,681

    APC - 15,719

    Ife North:

    Accord - 13,879

    APC - 9,613

    Orolu:

    Accord - 12,352

    APC - 10,622

    Boluwaduro:

    Accord - 7,118

    APC — 7,050

    Ayedire:

    Accord - 11,073

    APC - 9,910

16. 16 August 2026Ademola Adeleke win Osun State governorship election - Inec declare

17. 16 August 2026Breaking, Inec declare Adeleke winner of Osun State govnorship election

    

    Di Independence National Electoral Commission (Inec) don declare Ademola Adeleke as winner of di Osun State govnorship election wey happun on Saturday, 14 August.

    Govnor Adeleke of Accord party poll 511,067 votes to defeat im closest rival Bola Oyebamiji of di All Progressives Congress.

    Oyebamiji get 444,815 votes, while di candidate of di African Democratic Congress Najeem Salaam score 17,180 votes.

    Local govment area by local govment area breakdown of how Adeleke take win dey here.

18. 16 August 2026Osun State govnorship election results

    TOTAL REGISTERED VOTERS: 2339544

    TOTAL ACCREDITED VOTERS: 1010684

    TOTAL VALID VOTES: 985079 TOTAL

    REJECTED VOTES: 20721

    ACCORD : 511067

    APC - 444815

    ADC- 17180

    

19. 16 August 2026Olorunda

    Accord: 23,514

    APC: 24,671

    ADC: 666

    TOTAL NUMBER OF REGISTERED VOTERS: 123,063 ACCREDITED VOTERS: 51,172

    VALID VOTES: 49,458

    REJECTED: 1,335

    VOTE CAST: 50,793

    INCIDENTS: Ward 05 Owope, PU 005 cancel election sake of overvoting wey affect 692 voters. PU 006 also cancel sake of overvoting wey affect 56 voters.

20. 16 August 2026ADC candidate lose polling unit to Adeleke

    Di candidate of di African Democratic Congress (ADC), Najeem Salaam, don lose im local govment to di candidate of Accord party, Govnor Ademola Adeleke.

    Adeleke poll 18,458 votes, Bola Oyebamiji of di All Progressives Congress poll 16195 votes, while Salaam poll just 5,053 votes.

    Salaam na former Osun State House of Assembly speaker.

    Thugs bin disrupt voting for im polling unit, Ward 4, Unit 13, during di election.

    

    Wia dis foto come from, Dr. Najeem Folasayo Salaam/Facebook