Spotify Wrapped 2025: Bad Bunny na di top artist for di world

Dem don release di Spotify Wrapped for dis year, wey give fans a personalised summary of dia listening habits ova di last one year.

Di streaming giant say na Puerto Rican star Bad Bunny bi di artist wey pipo play im songs well-well for 2025, wit more dan 19.8 billion streams.

Im album Debí Tirar Más Fotos, wey dey embrace di musical heritage of im island na also di biggest album dis year - e open road for am to perform for di Super Bowl Half-time show next year.

However, di Puerto Rican star no even dey for Top 10 for di UK, wia Taylor Swift na di most popular artist for di year.

Scroll down to see di most streamed and searched-for songs of 2025 from Spotify, Apple Music, YouTube and Shazam.

Lady Gaga and Bruno Mars get di biggest song for di world wit dia throwback duet Die With A Smile.

One similar picture bin showface for year-end charts by Spotify rivals.

Di top track for both YouTube and Apple Music na Rosé and Bruno Mars pop smash APT, wey dem bin originally release for October 2024.

However, dem sabi YouTube users well-well wit dia obsession wit K-Pop Demon Hunters.

Four songs from di Netflix animation wey bin feature for di site Top 10, while Huntr/x's Golden dey for number three.

Di soundtrack na also di second biggest album of di year on Spotify, globally, Billie Eilish Hit Me Hard and Soft na di next.

Spotify Wrapped first launch for 2016, and dey grow bigger every year.

E dey compile di listening habit of users' to know dia most-played songs, favourite artists and top podcasts.

Dem dey share di results for di app, dem dey also encourage fans to share dia top tracks on social media.

Dis year offering come wit one bespoke film, wey highlight di achievements of British artists like Lola Young (1 billion streams in 2025) and Central Cee (785 million streams of im debut album, Can't Rush Greatness).

Spotify also create leaderboards, wey allow letting listeners know who be di biggest fan of a particular artist, and even who fit dey for di "top 0.1 per cent" of dia listeners.

But "gamifying" pipo data like dis, fit actually change how dem listen to music, na wetin Richard Whittle, Professor of artificial intelligence and public policy for di University of Salford tok.

"Wrapped na one incredibly effective viral marketing tool wey dey turn millions of users into enthusiastic promoters," im tok.

"Many users even adjust dia habits throughout di year to engineer a 'cooler' Wrapped next time, wey show how powerful di feature don be.

How to check your own personal stats

Anybody wey get Spotify account - even if na free one -fit access dia stats directly from di Spotify app.

For di landing page, di company advise users to update dia app to di most recent version to ensure di best experience.

Once you dey in, Spotify go present one carousel of slides, with insights into your favourite songs, top genres and most-played podcasts.

How dem dey calculate Spotify Wrapped ?

Last year, for example, Spotify calculate your Wrapped statistics by logging all of your listening data from 1 January to 15 November.

Any song you play for 30 seconds or more bin dey counted towards your "favourite song" rankings.

Offline listening, wey dey hapun wen you download song to your device, de counted toward your listening data only if you reconnect to di internet.

Spotify go den generate a playlist of your Top 100 songs. Di chart dey calculated by play count, rather dan total time listened.

Similarly, your "top artist" go dey decided by di total number of songs you play, rather dan di time you dey spend listening to dem.

Spotify dey also release charts of di most-played artists overall. Last year, di winner na Taylor Swift.

Rival streaming services including Apple, Amazon Music and YouTube also release dia own version of wrapped, tallying dia users data and creating bespoke playlists of dia favourite songs.

Dis na a look at how di oda services dia audiences dey different:

YouTube top songs of 2025 (UK)

Spotify top songs of 2025 (UK)

Apple Music top songs of 2025 (UK)

Spotify top albums of 2025 (Global)

Spotify top albums of 2025 (UK)

Shazam's most searched-for songs of 2025 (UK)