President Tinubu, odas mourn Onyeka Onwenu wey die at 72
Wia dis foto come from, Getty Images
One of di pikin of late ogbonge musician Onyeka Onwenu, Abe Ogunlende don pay tribute to im mama.
For im social media handle e write say, “Love you always and forever mom.”
“Thank you for showing and teaching me how to live dis life. I know say you go always dey around me even from wia you dey now.
Rest in Peace to My Legend, Onyeka Onwenu," Abe write.
Dis article contain content wey Instagram provide. We ask for una permission before anytin dey loaded, as dem fit dey use cookies and oda technologies. You fit wan read di Instagram cookie policy and privacy policy before accepting. To view dis content choose 'accept and continue'.
End of Instagram post, 1
Meanwhile, President Bola Tinubu don extend im profound condolences to di family of di late Ms. Onyeka Onwenu.
Onwenu na singer, songwriter, actor, journalist, activist, and politician, wey die at di age of 72.
Reports tok say she die afta she sing for di 80th birthday celebration of her friend and founder of Emzor Pharmaceuticals, Chief Stella Okoli.
Dem reportedly rush Onwenu to di hospital on Tuesday evening, wia she later die.
According to one statement wey Ajuri Ngelale, Tinubu tok-tok pesin, release on Wednesday, di president remember many artistic interventions of di late musical icon in promoting public good.
"President Tinubu celebrate di life of di versatile and extremely gifted artiste wey apply herself to di whole gamut of artistic enterprise and expression, bringing joy and laughter to many.
"Di President condole wit di entertainment industry, di Imo State Government, and di numerous fans of di departed star over dis immeasurable loss," di statement tok.
President Tinubu pray for di repose of di soul of di musician and tok say Onwenu live on in her immortal masterpieces.
Apart from President Tinubu, celebrities and oda Nigerians don go on social media to mourn di passing of di legendary musician.
Former Nigeria, minister of education, Obiageli Ezekwesili ontop her X page react to di news of Onyeka Onwenu death wia she describe am as “Di elegant Stallion”
She praise am for her contribution to di Nigeria entertainment industry as songwriter, musician, performer, actor, producer.
Ezekwesili sympathise wit her family and her two pikin “we truly don lose one distinguished Nigerian in di death of Onyeka Onwenu.”
Former senate president of Nigeria, Bukola Saraki, tok say im dey admire Onyeka Onwenu for her powerful voice and di messages wey her music dey pass “she be true icon, talented artist and advocate for social change.”
“Her music transcend generations and borders and struck chord wit pipo from all walks of life. Today, along wit di entire Nigerian entertainment industry and fans around di globe, I dey mourn di loss of dis extraordinary woman. Her legacy go kontinu to empower and inspire for years to come,” e tok.
Saraki extend im condolence to di family, friends and colleagues in di entertainment industry.
Wia dis foto come from, Getty Images
Popular Nigerians wey don pay tribute to Onyeka Onwenu
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post, 1
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post, 2
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post, 3
Dis article contain content wey Instagram provide. We ask for una permission before anytin dey loaded, as dem fit dey use cookies and oda technologies. You fit wan read di Instagram cookie policy and privacy policy before accepting. To view dis content choose 'accept and continue'.
End of Instagram post, 2
Dis article contain content wey X provide. We ask for una permission before anytin dey loaded, as dem fit dey use cookies and oda technologies. You fit wan read di X cookie policy and privacy policy before accepting. To view dis content choose 'accept and continue'.
End of X post, 4
'One love' and some oda ogbonge songs by late Onyeka Onwenu
Dis na some of her hit songs.
- You and I - Dis Onyeka Onwenu hit song na about love wia she bin mix Igbo and Pidgin for wetin fit dey described as jazz.
- One love - "One love keeps us togeda" na one di most popular line of dis song. Di lyrics na about love, peace. Sake of di strong message, broadcast stations bin play am wella for many years
- Iyogogo – Dis one too na love song wia Onyeka Onwenu bin dey tok about how much she dey committed to her lover and she want better commitment back.
- Alleluya- Dis na hit gospel song from Onyeka Onywenu. Inside di song, she bin dey show gratitude and joy.
- Wait for me ft Sunny Ade - TDis na one ogbonge collabo wit anoda music legend King Sunny Ade.
- Ekwe – Inside dis song, Onyeka Onwenu tell di tori of one I no go gree suitor wey bin dey try chook eye for one young single lady wey no get interest.
- Bia nulu – Dis ogbonge song see Onyeka Onwenu dey pray to calls God to listen to im pipo and less dia wahala.
Profile of Onyeka Onwenu
Wia dis foto come from, onyekaonwenu/Instagram
Dem born Onyeka Onwenu for 31 January 1952 for Nigeria. She be di youngest pikin of D. K. Onwenu, wey die wen she bin dey four years old inside motor crash one week bifor im appointment as Minister for Education.
Hope Onwenu, Onyeka mama bin lose her husband at di age of 36 but she no remarry as she devote her life to raise all her pikin dem.
She start her career as broadcast journalist for Nigerian Television Authority (NTA) afta her masters degree from one America university for New York.
Afta, she join NTA for di early 1980s, she produce her own show for di television station ‘The Onyeka Onwenu Show’.
In 1984, BBC nad NTA publish documentary “Nigeria A squandering Of Riches” wia Onyeka Onwenu look into di governance in Nigeria. She interview late Chinua Achebe and oda Nigeria who shared dia opinion about di situation of di kontri.
For 1981, she start her music career and release her first album, ‘For the Love of You’.
Her popular hit songs include ‘One Love’, ‘Ekwe', 'You and I’ and ‘Bia Nulu’
She co-write di song 'Wait for me' wit anoda music veteran King Sunny Ade for 1989, (wey dey advocate for family planning programme among di youth).
In 1984, Onyeka marry her partner, dem both born two pikin, Tijani Ogunlende and Ibrahim Ogunlende. Ibrahim later change im name to Abraham.
For 2021, Onwenu publish her memoir, 'My Father’s Daughter', wey portray her personal life and life choice partner.
Also, Onwenu act for several Nollywood movies and win awards for her contributions in di entertainment industry.
She feature in several Nollywood movies “Half of a Yellow Sun”, ‘Obara’M’, Lionheart’ ‘Conspiracy’, ‘Chain Reaction’, ‘Government House’, ‘Different World’ and ‘Lionheart.’
Onyeka Onwenu bin switch to gospel music for di mid-90s as she bin kontinu to spread her message of national pride and unity.
During her life time, she be active member of People Democratic Party (PDP).
For 2013, dem appoint am as di chairperson of di Imo State Council for Arts and Culture and later become di Director-General of di National Centre for Women Development for 2016.
She bin run for local goment chairman for Arondizuogu for Ideato North, Imo State wia she come from, but she no win di election. She bin gada di least votes among di ten oda contenders.
Di federal goment bin also award her as Member of the Order of the Niger (MON) sake of her contributions to di Nigerian entertainment industry.
For 2011 Late Onyeka Onwenu receive award of Member of di Order of di Federal Republic (MFR).
For year 2000, she bin go on hunger strike to protest against her former employer, NTA, sake of dem no gree pay royalties on her songs and den later blacklist her from transmission.
