Full list of new trades Nigeria goment approve for Technical colleges

Student for Nigeria go fit learn more skills and trades now to empower demsefs for di future and to match wit di changing economy for di world.

Dis dey come as Nigeria goment change di curriculum of Federal Technical Colleges for Nigeria.

Goment approve and publish list of new trade areas for Federal Technical Colleges across di kontri.

Di Federal Ministry of Education announce say dem approve di list of 26 trade areas under di revised technical-education curriculum.

For statement wey Director of Press and Public Relations for di Ministry, Bon Folasade sign, dem tok say di revised curriculum automatically convert all Federal Science and Technical Colleges to Federal Technical Colleges from di 2025/2026 academic year.

"Students go now take between nine and ten subjects wey go include one trade course, five or six general subjects like Mathematics, English, Physics, Chemistry, Biology and Citizenship and Heritage studies, two or three related subjects and one elective" di statement read.

Di aim na to respond to di current industry demand across di kontri wey include digital services, construction, creative media, energy, agriculture and oda areas.

How dis 26 trades go work for di schools?

Di Education Minister Dr Maruf Tunji Alausa and Minister of State Professor Suwaiba Sa'id Ahmad, announce say each college go offer at least six and at most a maximum of ten trade courses.

Dem also tok day dis reform don also introduce Citizenship and Heritage Studies wit core science and language subjects.

Recently, Nigeria goment also change di curriculum for Secondary schools .

See di Full list of subjects wey govment change for di academic curriculum for basic, senior secondary and technical education

Full list of di 26 trades goment approve