Marcus Rashford, Ben White, Jadon Sancho, Sterling out of England Euro 2024 squad

Ahead of di Euro 2024, England no include Marcus Rashford for dia initial squad wey go play for di competion.

Di coach Gareth Southgate leave out di Manchester United player from im provisional England squad for Euro 2024.

Di Euro 2024 go happun for Germany.

Di training squad go join up on Wednesday 29 May bifor di friendly match against Bosnia-Herzegovina on 3 June and Iceland on 7 June.

Di squad dey set to officially confam on Tuesday.

Marcus Rashford score only seven goals and get two assists in 33 Premier League games di 23/24 season wey just end.

Rashford dey likely to feature for United for dia FA Cup final wit rivals Manchester City dis weekend.

Meanwhile, for di 2022/2023 season e score 30 goals for United.

Di idea say im no go do well di next season no sure.

But dis season, Rashford don struggle badly. E lack confidence sometimes and e carry for long stretches of di season.

E feature for 15 minutes for England friendly against Brazil, as a substitute for Anthony Gordon.

Rashford come on as a substitute against Newcastle last week wen Gordon cause di home side huge problems.

No wonder e be like say dem go pick Gordon ahead of Rashford.

Di 26-years-old player bin jump back up to £68m from £73million value around March of 2023, but poor performance don make im market value dey drop to wia e come be £51m.

Di Manchester United forward bin struggle for form dis season wey just end. Im score just seven goals and manage to get two assists in 33 league appearances.

How Victor Boniface rise to Bundesliga glory for Leverkusen

Di goalkeeper wey concede 31 goals in one game

'I pack comot for house becos I wan play football' - Goalkeeper Chiamaka Nnadozie

England provisional Euro 2024 squad

Goalkeepers: Dean Henderson (Crystal Palace), Jordan Pickford (Everton), Aaron Ramsdale (Arsenal), James Trafford (Burnley).

Defenders: Jarrad Branthwaite (Everton), Lewis Dunk (Brighton), Joe Gomez (Liverpool), Marc Guehi (Crystal Palace), Ezri Konsa (Aston Villa), Harry Maguire (Manchester United), Jarell Quansah (Liverpool), Luke Shaw (Manchester United), John Stones (Manchester City), Kieran Trippier (Newcastle), Kyle Walker (Manchester City).

Midfielders: Trent Alexander-Arnold (Liverpool), Conor Gallagher (Chelsea), Curtis Jones (Liverpool), Kobbie Mainoo (Manchester United), Declan Rice (Arsenal), Adam Wharton (Crystal Palace).

Forwards: Jude Bellingham (Real Madrid), Jarrod Bowen (West Ham), Eberechi Eze (Crystal Palace), Phil Foden (Manchester City), Jack Grealish (Manchester City), Anthony Gordon (Newcastle), Harry Kane (Bayern Munich), James Maddison (Tottenham), Cole Palmer (Chelsea), Bukayo Saka (Arsenal), Ivan Toney (Brentford), Ollie Watkins (Aston Villa).