How Tunisia crash out of World Cup despite win against France

France bin score but VAR rule am out for offside for di final minute of stoppage-time as Tunisia hold on for di victory.

Even wit di win, di African team fail to qualify for di last 16 of di World Cup.

Substitute Antoine Griezmann bin volley in a dramatic equaliser for di Education City Stadium, but the VAR decision mean say Tunisia captain Wahbi Khazi brilliant first-half goal prove to be di winner.

But, wit Australia recording a 1-0 victory ova Denmark for di oda match for Group D, Tunisia hope of progressing scata before Griezmann' goal bin dey ruled out.

France dey through to di last 16 as group winners afta dem secure qualification wit victory ova Denmark for di last game.

Even though dem fail to progress, Tunisia captain Khazi bin produce di moment fans bin dey wait for - a goal for dis World Cup – wen im drive from di edge of di box and coolly roll di ball in for di bottom right corner.

A lot of Tunisia fans inside di stadium happy, while Tunisia substitutes run inside di pitch.

But dia celebrations no last long as dem hear di news say Australia don take di lead against Denmark.

France, wey bin make plenty changes from di team wey beat Denmark bin don already qualify as group winners, and dem bin lack quality for dia game.

Paris St-Germain forward Kylian Mbappe and Atletico Madrid Griezmann come in later for di second half to try to find a way back into di game.

Dem bin change tins for dia side even wit all di loud shouting and whistling from Tunisia fans wey bin wan put dem off and Griezmann almost provide di goal dem dey find.

Didier Deschamps side dey set to face di runner-up of Group C, currently Argentina, for di last 16 on Sunday, December 4.

Tunisia wait to reach di knockout stages of di World Cup for di first time go continue as dem exit di competition.

Second Half

90+ 12 mins- FULL-TIME: TUNISIA 1-0 FRANCE.

90 + 10 mins- NO GOAL!!! VAR replays show Griezmann to dey a few yards offside from Tchouameni initial cross, and di goal no go stand, meaning Tunisia still dey lead!

90 + 5 mins- Jebali clips di heels of Camavinga as di France midfielder looks to regain possession again.

90' WIDE!!! Great play from France see Griezmann square di ball for Kolo Muani. E touch di ball bifor im shoot di ball wey just go wide.

89 mins- SAVED!!! Mbappe pick di ball for di left. E use skill and speed to dribble two defenders, e wire shot but goalkeeper punch am

87 mins- Since Tunisia score na defend dem just dey defend.

85 mins-Mbappe cut inside from di left and pass to Dembele for di opposite flank. E cross towards DI back post, Rabiot meet am and fire di ball wide.

83 mins- Ben Slimane na di third of Tunisia front three players to comot, and Ali Abdi go play di rest of dis game.

83 mins- Substitution Ben Slimane don comot for Ali El Abdi

80 mins- OVER!! Disasi clear Griezmann corner ova di bar from eight yards out!

79 mins- SAVED!!! Dembele cross from di ball from di right bifor e go wild.

79 mins- Substitution Mattéo Guendouzi don comot for Ousmane Dembélé

76 mins- E don reach 30 minutes since France last attempt shot for dis game, and dia performance, even wit di changes dey really poor.

74 mins- Ben Romdhane na one of di stars for Tunisia for dis game, dem don comot am for Ghaylene Chaalali.

73 mins- France want attack now, as Fofana come out for Antoiner Griezmann.

72 mins- Tunisia don only keep two clean sheets for dia 17 World Cup matches (12 per cent).

68 mins- Jebali recover to disposes Saliba for midfield before e move di ball forward.

67 mins- Jebali and Tchouameni jam each oda for midfield, and di Tunisia substitute comes off worse. E win di free-kick for di process, but im limp wen im stand up

65 mins- Mbappe don score for each of im last three World Cup games, and fit be just di second player to score in four in a row for France, afta Just Fontaine (six in a row for 1958). Indeed, Fontaine (13) na di only player to score more World Cup goals for France than Mbappe seven.

63 mins- Kylian Mbappe na joint-top scorer for World Cup wit three goals so far, and im complete Francetriple-change as im come in for Coman.

63 mins- Varane comes off for France, , and Arsenal centre-back William Saliba don enta

63 mins- Both teams don make substitutions

58 mins- Goal Wahbi Khazri score to give Tunisia di lead na Aïssa Laïdouni give am di pass.

54 mins- Kechrida run down di right and holds off Veretout wit ease. E step pass Camavinga and look to chase di loose ball, but it rolls ova di touchline before im fit reach dia.

52 mins- OVER!!!! Laidouni chase di ball inside di box, but Disasi block am.

50 mins- Tunisia dey move di ball forward well, and some great one-touch football to boot.

49 mins- France just get only two shots on target for di first half against Tunisia, na dia fewest for first half of a group stage match for World Cup since 1966.

47 mins- Skhiri flick a ball back to Khazri, wey goes down wit im back to goal inside di box! Di referee no blow.

46 mins- France kick off di second half for Al Rayyan for di final match for Group D!

First Half

45 + 2 mins- HALF-TIME: TUNISIA 0-0 FRANCE.

45 + 2 mins- BLOCKED!!! France profit from a loose Tunisia pass and Fofana drive forward wit di ball.

45 mins- We go play two minutes of added time to close out dis first half.

43 mins- Disasi na di first outfield player to make im debut for di French national team during a World Cup game, since Gabriel De Michele against Mexico for July 1966.

42 mins-CHANCE!!! Tunisia fly forward as Khazri pass behind Camavinga for di box. E paas di ball across di face of goal from di byline, but Disasi flick am away but di flag don go up for offside.

41 mins- France look to create something as Coman pass in-field bifor e link up wit Disasi to im right. E find Guendouzi, wey attempt to switch play to di left, but im wide pass dey behind Camavinga and e go out for a throw.

39 mins- Kolo Muani show good skill to keep hold of di ball under pressure for di edge of di box. E pass to Fofana and look for di return ball, but Talbi pass forward dem clear am.

37 mins- Tunisia dey winless for di 2022 World Cup. If dem fail to win dis match, e go mean say dem neva win a game in four of dia six World Cup appearances (also for 1998, 2002, and 2006). Di African side never progress from dia group for World Cup bifor.

35 mins-SAVED!! Another Tunisia cross inside French box, and Varane heads am away. E falls to Khazri 35 yards from goal, e smash di ball but Mandanda punch am out!

34 mins- WIDE!!! Maaloul fire cross towards di back post, but Camavinga dey dia to knock am behind!

32 mins- Maaloul swing in a corner, but dem clear di ball. Di Tunisia left-back try another similar ball in, but dis time Camavinga clear again from danger.

30 mins- SAVE!!! Laidouni attempted cross dey blocked, but im dey box again to receive di throw-in. E curl another cross, wey reach di head of Ben Slimane, but Mandanda save di ball!

28 mins- Kechrida slide in on Camavinga as di France man cut inside, and di challenge see yellow card.

27 mins- France don win each of dia last six World Cup games, dia longest ever winning run for di competition. Indeed, only Italy (7 between 1934-1938) and Brazil (11 between 2002-2006) get a longer winning runs.

25 mins- WIDE!!! France on di break as Fofana run up field. E find Coman for box, but di winger first touch dey poor, and di second see am hit di ball wide of target!

23 mins- Ghandri puts im goalkeeper under pressure with bad backpass, but Dahmen slides in to clear di ball away as Kolo Muani bin dey run come for di ball.

21 mins-Khazri plays a clever one-two wit Ben Slimane down di right, but loses the ball to Camavinga.

19 mins-France bin beat Nigeria 2-0 for 2014 World Cup.

17 mins- CHANCE! France lose di ball again and Tunisia try to punish dem. Ben Slimane push Varane off di ball and feed Ben Romdhane, but im hit di ball to di side net.

15 mins- Kolo Muani drives forward for France and win corner. Guendouzi connect well wit di ball but ball, but Talbi clear am!

13 mins- Veretout lose di ball for midfield and Khazri run inside di box wit am. Him don go down under little pressure from Konate

12 mins- More good play from Tunisia sees Ben Slimane release Kechrida down di right. E cross fine ball inside di box, but Disasi heads am behind for a corner, France dey under pressure!

10 mins-Tunisia neva score from 27 shots for dia two games for di 2022 World Cup..

8 mins- BALL INSIDE DI NET!!! Tunisia think say dem don score but di flag dey up!!! Tchouameni concedes free-kick wey Khazri curled inside di box by Khazri. Ghandri meet di ball for di front post and im side-footed volley slam di ball pass Mandanda inside net! Di Tunisia players run away in celebration, but dem stopped afta dem see di offside flag!

7 mins- Aged 37 years and 247 days, Mandanda now na di oldest player to appear for France for World Cup.

6 mins- Di corner pass everyone but Varane, clear am out of di goalmouth. Another cross come inside for France box, but Mandanda punch am clear.

5 mins- Ben Romdhane dribble down di byline and cut di ball back, but dem clear for di first corner of di game!

4 mins- Khazri comes off worse for di challenge wit Camavinga, and di Tunisian captain dey roll over near di touchline for treatment.

3 mins- France never lose for dia four previous meetings wit Tunisia, dis game na dia first encounter since a 1-1 draw for May 2010.

1 min - Khazri kick off for Tunisia, and we don set for Al Rayyan!

Di teams don come out for pitch, andwe don almost ready for kick-off for dis Group D decider!

MATCH FACTS

Tunisia Formation 3-4-2-1

Tunisia line up

16 Dahmen , 4 Meriah , 5 Ghandri , 3 Talbi , 21 Kechrida , 17 Skhiri , 14 Laïdouni , 12 Maâloul , 25 Ben Slimane , 15 Ben Romdhane , 10 Khazri

Substitutes

1 Mathlouthi , 2 Ifa , 6 Bronn , 7 Msakni , 8 Mejbri , 9 Jebali , 11 Khenissi , 13 Sassi , 18 Chaalali , 19 Jaziri , 20 Dräger , 22 Ben Saïd , 23 Sliti , 24 Abdi , 26 Hassen

France Formation 4-3-3

16 Mandanda , 3 Disasi , 4 Varane , 24 Konaté , 25 Camavinga , 13 Fofana , 8 Tchouaméni , 15 Veretout , 6 Guendouzi , 12 Kolo Muani , 20 Coman

Substitutes 1 Lloris , 2 Pavard , 5 Koundé , 7 Griezmann , 9 Giroud , 10 Mbappé , 11 Dembélé , 14 Rabiot , 17 Saliba , 18 Upamecano , 22 Hernández , 23 Aréola , 26 Thuram

Referee: Matthew Conger