Transfer deadline day - Players wey don strike deals

Some English Premier League clubs don confam di signing of new players for di last day of di transfer window.

English Premier League and Football League transfer window closes at 23:00 BST

Meanwhile di Transfer windows dey close for Germany by (17:00 BST), Italy (19:00 BST) and Spain (23:00 BST)

Manchester City, Manchester United Leicester, Nottingham Forest na some of di clubs wey don announce new dia signing on Thursday.

See di deals wey don happun so far today for dis tori.

Manchester United

Man United don sign Brazil winger Antony from Ajax for an initial fee of 95m euros (£82m).

Di deal, wey include a potential 5m euros of add-ons, na di fourth most expensive signing for Premier League history.

Di 22-year-old sign contract until 2027, wit di option of an additional year.

Martin Dubravka

Martin Dubravka don join Manchester United on a season-long loan from Newcastle United, di deal dey subject to registration.

Di goalkeeper go spend di 2022/23 season for United wit di option to make di transfer permanent.

Manchester City

Manchester City don sign Switzerland defender Manuel Akanji on a five-year deal.

Di 27-year-old join from Borussia Dortmund, wia im make 158 appearances since January 2018.

Akanji get 41 caps for Switzerland and play a key role for dia qualification for World Cup.

Leicester City

Leicester City don sign defender Wout Faes from French club Reims.

Di 24-year-old dey come in as a replacement for Wesley Fofana, wey join Chelsea for about £70m on Wednesday.

Faes joined on a five-year contract for an undisclosed fee, di move dey subject to international clearance.

Nottingham Forest

Nottingham Forest don sign Ivory Coast defender Willy Boly from Wolves. 

Di left-footed centre-back, wey fit play for a back three or four, sign a two-year deal and na Forest 19th first-team signing of dis summer.

Chelsea

Chelsea manager Thomas Tuchel dey back Pierre-Emerick Aubameyang to "create his own history" for di number nine jersey for Stamford Bridge.

Aubameyang, wey 33 years, join di Blues for £10.3m from Barcelona on deadline day.

Fulham

Willian

Fulham don complete di signings of Willian on a free transfer.

Willian arrival don take di number of players for di Premier League club dis summer to nine.

Ex-Chelsea and Arsenal midfielder Willian, wey be 34 years, been dey play wit Corinthians.

Fulham don complete di signing of French defender Layvin Kurzawa from Paris St-Germain on a season-long loan. 

Di 29-year-old left-back don make 153 appearances for di French champions since im arrive from Monaco for 2015 but e neva play for dem dis season. 

"I feel very, very happy to dey here. Na family here, everyone dey very cool," e tok for di club website.

Aston Villa

Aston Villa don agree a £13m deal for Wolves midfielder Leander Dendoncker.

Di Belgian, wey be 27 years old, no dey Wolves' plan and Villa manager Steven Gerrard dey keen to strengthen im squad afta dia poor start to di season. 

Villa dey also close to signing Southampton defender Jan Bednarek, wey be 26 years, on loan, as cover for Douglas Costa wey get injury.

Girona

Oriol Romeu don end im seven-year stay wit Southampton to join La Liga side Girona on a three-year deal.

Di Spanish midfielder, wey be 30 years, play 256 games for Saints and scored eight goals.

"Oriol leave wit di very best wishes of everybody for Southampton," na so di Premier League club tok.

Everton

Everton don re-sign midfielder Idrissa Gueye from Paris St-Germain on a two-year deal for a fee of about £2m.

Di Toffees bin don dey to bring back di 32-year-old to Goodison Park since di start of last month.

PSG bin sign di Senegal international Gueye from Everton for about £30m for 2019.

Benfica

Benfica don sign attacking midfielder Julian Draxler from Paris St-Germain on a season-long loan.

Di Germany international, 28, move to PSG for 2017 for a £35.5m deal and e win four Ligue 1 titles for France.

Still dey refresh dis page - we dey update dis page wit more Transfer deadline day updates as e dey hot...