Interesting facts you for know about Ghana as de country celebrate 66th Independence Day
Wia dis foto come from, Getty Images
On 6th March, 1957 Prime Minister of Ghana, Dr Kwame Nkrumah declare de country free from British Colonial rule.
Ghana set record as de first country to gain independence from de colonial rule after de long fight for freedom.
Since that year, de country dey celebrate Independence Day on March 6 every year.
On Monday, Ghana dey celebrate de 66th Independence Day to mark de declaration of Ghanaian freedom from de British colonial rule.
Inside de famous speech, Kwame Nkrumah talk “de African People be capable of managing dia own affairs and Ghana our beloved country isfree forever.”
President Nana Akufo-Addo go scheduled to address de nation during a ceremony marking de day for de Volta region.
Former president, John Mahama already talk say de build up to de celebration no dey necessary.
In de last year, Ghana go through major economic challenges which make de country go IMF for economic bailout.
End of Di one wey oda users dey read well well
From challenge like fuel price hikes, depreciation of de dollar to inflation, de country go through major crisis but also Ghana fit boast of positive things like de 2022 Fifa World Cup as one of de high points in de past year.
But what be some of de tins about Ghana like culture den history, dis be 10 tins wey you never know about de country.
1. First country for sub-Saharan Africa to gain independence
Ghana be de first country for sub-Saharan Africa wey gain independence on 6th March, 1957.
Ghana wrestle for freedom British colonial authority to manage dia own affairs after series of protests and political resistance from de United Gold Coast Convention (UGCC) and later Convention People’s Party (CPP) under Kwame Nkrumah.
2. Ghana means 'warrior king'
De word 'ghana' dey mean 'Warrior King' inside Mande, Sonike language wey some estimated 2 million people dey speak across West Africa.
3. Trans-Atlantic slave trade
Ghana be de center of de trans-Atlantic slave trade.
De Portuguese first arrive for Ghana formerly known as 'Gold Coast' around 1471 where dem start to trade plus de local people.
Goods like salt gold, spirits, fine cloth den stuff.
Later, European powers start dey capture den sell human beings from West Africa into slavery for Europe and America.
4. 'Kente' cloth dey originate from Ghana
Kente dey come from Ghana, oral history from Bonwire, de Ghanaian village wey produce first kente say de cloth dey in existence for 377 years now.
In recent years, kente come turn iconic symbol for de Black race across de world.
5. Producers of 'fantasy coffins'
Ghana be de producers of 'fantasy coffins' for de world inside. Ghanaians dey take dema dead relations very serious, sake of that sometimes dem dey manufacture artistic coffins to bury de dead.
Usually de coffins dey represent something which be closely related to de person wey die like en car, profession etc. For instance if career driver die, dem fit create coffin which dey look like car to bury am.
6. One war for Ghana last 77 years
De longest war for Ghana against European invaders last 77 years, dis be de Anglo-Ashanti War from 1823 to 1900.
De Anglo-Ashanti Wars be five conflicts wey happen between de Ashanti Empire and the British Empire.
Dis war bring Ashanti Empire under then British Gold Coast Colony.
7. Ghana get de biggest man-made lake in de world
Ghana get de biggest man-made lake in de world, Lake Volta.
De lake dey span over 320 miles, which dey travel from South-western parts of de country to North.
8. Ghanaians dey name children based on day of birth
Ghanaians dey name children based on de day dem born dem. Usually de first names of children of wey dem come from Akan tribes like Fante and Ashanti dey name kiddies based on e day dem born dem.
Dem believe say de day get spiritual, social and lifelong influence on parts of de person en life.
For instance a male born on Sunday is Kwasi while de female is Akosua. A male Tuesday born is Kwabena while de female be Abena.
So from Monday to Sunday every child dey bear one name based on de day dem born am.
9. English dictionaries adopt local language 'kwashiokor'
De most popular Ghanaian local language wey dey inside English dictionary inside be, kwashiorkor. Kwashiokor be Ga language which dey describe child wey dey suffer from malnutrition, especially protein.
10. Fastest man in de world to run backwards
De fastest man in de world to run backwards be Ghanaian, Ferdie Adoboe.
He set world record for de fastest 100 yard backwards sprint which he complete in 12.7 seconds around 1983.
